Frank Lloyd Wright
[Proiektuak] Beth Sholom sinagoga
Elkins Park, Pensilvania, 1953–5
[Proiektuak] Hillside antzokiko oihala
Spring Green, Wisconsin, 1952 (1955an ehundu zen)
Atalak
Marin County konderriko gobernu-egoitza eta azoka-pabilioia
San Rafael, Kalifornia, 1957–62
- Izenburua:
- Marin County konderriko gobernu-egoitza eta azoka-pabilioia
San Rafael, Kalifornia, 1957–62 - Erakusketa:
- Frank Lloyd Wright
- Gaiak:
- Artea eta espazioa | Artea eta gizartea | Artea eta emozioa | Sorkuntza artistikoa | Espazioa | Geometria
- Artelan motak:
- Arkitektura
- Aipatutako artistak:
- Lloyd Wright, Frank
Lau muinoen gainean dago Marin County konderriko gobernu-egoitza. Oinplanoa luzanga da eta zirkulu itxurako egitura batek bi hegal lotzen ditu: txikiena Konderriko Administrazioari dagokio eta handiena Justizia-Auzitegiari. Arku handi batzuek egiturari eusten diote zoru-mailan; solairu altuagoetako arkuak berriz, zoru ertzetik esekiak daude. Administrazioaren eraikinaren erdian hiru solairuetara irekitzen den espazioa dago; hala, horren inguruan dauden sabai-leiho ugariek barruko bulegoetara argi naturala igarotzen uzten dute. Kanpoaldean, berriz, balkoiak daude —fatxada osoan zehar— eta balkoi bakoitzak beherago duen solairuari itzala ematen dio. Eraikin horrez gain, handik gertu, Wright-ek azoka-pabiloi bat diseinatu zuen. Egitura hori ez zen eraiki, baina diseinuan honako hau azaltzen da: plastiko zehargarrizko estalki bati eusten dioten hormigoizko pilare eta kable batzuk; azpian, gune zabal eta argi bat, konderriko azoka baterako beharrezkoa guztia den jartzeko (erakusketa-guneak, salguneak, merkantzia-gaiak eta bilera-tokiak). Diseinatu zituen beste bulego-eraikinetan egin zuen moduan, gobernu-egoitza honetan —zentro zibiko gisa ere ezagutzen dena— bertan dauden pertsonentzat giro lasaia, baina, aldi berean, bizigarria sortu nahi zuen. Haren planoak aurkeztu zituenean, Wrightek esan zuen: “Honako hau aukera bikaina da Marin konderrikoei soilik ez, baizik eta herrialde osoari ere, funtzionarioek, leku batean bilduak, giza bizitza hobe eta eder dezaketela erakusteko”.