Frank Lloyd Wright
[Proiektuak] Lloyd Jonestarren harana eta Taliesin
Spring Green, Wisconsin
[Proiektuak] Merkatarien kioskoak, Bagdad handirako plana
Bagdad, 1957 (eraiki gabe)
Atalak
[Proiektuak] Mendebaldeko Taliesin
Scottsdale, Arizona, 1937–59
- Izenburua:
- [Proiektuak] Mendebaldeko Taliesin
Scottsdale, Arizona, 1937–59 - Erakusketa:
- Frank Lloyd Wright
- Gaiak:
- Giza harremanak | Artea eta hezkuntza | Sorkuntza artistikoa | Materiala | Tamaina | Ingurunea eta natura | AEB
- Artelan motak:
- Arkitektura
- Aipatutako artistak:
- Lloyd Wright, Frank
1937an, Wright, bere familia eta ikasleak AEBko hego-mendebaldera joan ziren Phoenixetik 42 kilometrora etxe bat egiteko eta hala, Wisconsingo negu hotzetatik alde egiteko. Ohi bezala, naturarekiko lotura izan zuen gai nagusi Wrightek bizitzeko eta lanerako den eraikin-sorta garrantzitsu honetan: egiturak ez dira oso altuak eta basamortuko lorategi erakargarrietara zabaltzen dira; bertatik ateratako hareaz egindakoak dira horma baxuak eta terrazak; gainera, hormigoi eta harri masak lurraren gainean jarri zituen inongo zimendurik edo altzairuzko sare sendogarririk gabe. Olanazko estalkiak, jadanik 1929an Ocatillo kanpamentuan erabili zituenak, sekuoia zurezko habeen gainean jarri zituen, panel batzuen gainean. Lanerako eta elkartzeko guneak sukalderako eta jantokirako gorde den gune nagusiaren inguruan daude. Marrazketa-estudioa mendebaldean dago, Wrighten bulegotik eta sarreratik gertu. Beste aldean, eraikinak behera egiten du: eskailera batzuek Wrighten eta haren familiaren etxera eramaten gaituzte. Esperientzia gehien zuten ikasleek etxe osteko patioan zeuden apartamentu batzuetan zeuden arren, Elkartean hasiberriak basamortuan bizi ziren, eurek diseinatutako etxoletan, esperientzia hori euren trebakuntzaren parte baitzen.