Egon Schiele
Muinaren galera
Egon Schiele eta argazkigintza
Atalak
Arkatzez egindako marrazkiak
- Izenburua:
- Arkatzez egindako marrazkiak
- Erakusketa:
- Egon Schiele
- Gaiak:
- Artea eta espazioa | Artea eta pertzepzioa | Sorkuntza artistikoa | Lan-prozesua | Erretratua eta autorretratua
- Teknikak:
- Marrazkia
- Aipatutako artistak:
- Schiele, Egon
Egon Schiele-k, modeloa aurrean zuela, arkatzez baino ez zuen marrazten. Gerora koloreztatzen zuen, maiz, aste batzuen buruan, nahiz eta marrazki hori saio bakar batean amaitutako sail batekoa izan. Ez zituen inoiz bere marrazkiak zuzentzen, autorretratu ezagunek argi agertzen dutenez. Orriaren gaineko arkatzaren arrastoei so eginez, ikus dezakegu artistak papera zurezko xaflen gainean jartzen zuela, zuraren zainak paperean nabari baitira. Schiele ispilu aurrean biluzik dagoen emakumearekin lanean ikus daiteke hala marrazten zuela.
Lan horretan, modeloaren irudikapen fina (espazioaren bi geruzatan), haren isla ispiluan eta artista berarena liluragarriak dira, begiraden jokoa bezain liluragarriak; izan ere, Schieleren eta modeloaren begiradaz gain, tartean ere badago ikuslearena. Halaber, artelan honetan nabari daiteke objekturik ez dagoela: ez zuen ispilua irudikatu, ezta inguruko espazioaren erreferentziarik eman; alegia, estudioa, errealitateko inguru hori, desagertu da.