Egon Schiele
Estilo-aldaketa
Egon Schiele eta haurrak
Atalak
Egon Schiele, Sezesioaren lilura pean
- Izenburua:
- Egon Schiele, Sezesioaren lilura pean
- Erakusketa:
- Egon Schiele
- Gaiak:
- Generoa eta sexualitatea | Giza gorputza | Eragin artistikoa | Ibilbide artistikoa | Sorkuntza artistikoa | Kolorea | Erretratua eta autorretratua | Sezesio vienarra
- Mugimendu artistikoak:
- Espresionismoa | Modernismoa
- Teknikak:
- Marrazkia
- Artelan motak:
- Argazkia
- Aipatutako artistak:
- Schiele, Egon
Espresionismorako bidea hartu baino lehentxeago, Egon Schiele-k, oro har, Sezesioaren azalera lauko estiloarekin eta, bereziki, Gustav Klimt-en linealtasunarekin lotutako lanak egin zituen. Wiener Werkstätte-rako posta-txartel batzuk egin zituen eta diseinu horiek Ver Sacrum aldizkariaren, Sezesioaren egitarauaren aldizkariaren, irudien eragin argia dute. Autorretratuetan soilik, horien imintzioz betetako mimikan, ageri da Espresionismo goiztiarrerantz eta itsusiaren estetizaziorantz egingo zuela.
Nahiz eta 1909. urtearen erdialdetik aurrera muturreko Espresionismoa buru-belarri landu, Schieleren arteak beti zor izan zion Sezesioaren estilizazioari eta gainazal lauen bidezko egiturei —batez ere, konposizioari dagokionez—. Itsusiaren estetika, Sezesioaren aurkako desestetizazioa, nabaria da, batez ere, koloreen aukeraketa antinaturalean, bai eta gorputzaren lengoaian eta gaixorik dauden gorputzen irudietan; izan ere, Schielek interesa izan zuen Parisko Salpêtrière ospitaleko buruko gaixoen argazki dokumentaletan.
Schieleren lanen keinutasunaren eta mimikaren arteko inkongruentzia, baita gorputzaren sexualizazio esplizitua, Vienako Jugendstil mugimenduaren arte erotikotik harago doa. Nolanahi ere, are bere buruaren tematizazio muturrekoan, Schiele Koloman Moser-ek eta Ver Sacrum aldizkariaren beste irudigile batzuek baliatutako oinarri bat errespetatu zuen: marraztutako motiboaren eta paperaren gainazal hutsaren arteko oreka gordetzea. Ezin da ulertu, alde formalari dagokionez, Schieleren marrazkien konposizioa Sezesioaren irudiztatze grafikoaren erreferente hori aintzat hartu gabe.