Egon Schiele
Egon Schiele, Sezesioaren lilura pean
Egon Schiele, kartzelan
Atalak
Egon Schiele eta haurrak
- Izenburua:
- Egon Schiele eta haurrak
- Erakusketa:
- Egon Schiele
- Gaiak:
- Generoa eta sexualitatea | Giza gorputza | Artea eta emozioa | Sorkuntza artistikoa | Biluzia | Erretratua eta autorretratua
- Mugimendu artistikoak:
- Espresionismoa
- Teknikak:
- Marrazkia
- Aipatutako artistak:
- Schiele, Egon
Krumaura joan baino lehen, haurren marrazki-sorta bat hasi zuen Schiele-k: langileen seme-alaba zarpailtsuak irudikatu zituen, baita neskatxen biluzi erotikoak egin. Sortaren zatirik handiena Krumaun eta Vienan egin zuen, 1911ko udaren amaieran, Krumautik, Bohemiatik, itzultzean. Karakterizazioaren artearen maisulanak dira horiek, baina naturaltasun handiko inpresio sendoa ematen dute. Marrazkien estiloak —asaldatua— eta irudi puntazorrotzek lagundu egiten dute haurren arropa zahar apurtuak, haien esku maskurtsuak eta gorputz hauskorrak jasotzen.
Mutilak inolako erotizazio zantzurik gabe irudikatu zituen. Nesken biluziak, ordea, sexualizatu zituen: gorputzaren irudikapena beti da erotikoa, eta ikuslearekin halako harreman bat sorrarazten du: limurtzailearen eta limurtutakoaren arteko isilpeko hitzarmen bat balego bezala. Biluzi horietan haurren itotako sexualitate bortitza argi eta garbi jaso zuen Schielek, garai hartako tabuen aurka. Horrelako biluziak hura ikusteak sortu beharreko eraginaren arabera antolatuak daude.
Zuri opakuaz inguratu zituen irudiak: batetik, siluetak are espresiboagoak izateko, eta, bestetik, zuria, Schieleren hitzetan, “gorputzei darien barneko argia”ren sinboloa baita. Izan ere, 1910ean teosofiaren inguruko interesa piztu zitzaion eta espirituen eta okultismoaren gainekoak ikasten hasi zen.