Cai Guo-Qiang: Sinetsi nahi dut
Jatorrizko suzko bola: Proiektuen proiektua
Onddo itxura duten hodeien mendea eta azken lanak
Atalak
Aurrez aurre
- Izenburua:
- Aurrez aurre
- Erakusketa:
- Cai Guo-Qiang: Sinetsi nahi dut
- Gaiak:
- Gizakia | Artea eta historia | Artea eta politika | Sorkuntza artistikoa | Sinbologia | Erakusketak | Bigarren Mundu Gerra | Alemania | Gogoeta | Suntsipena
- Artelan motak:
- Bideoinstalazioa | Instalazioa
- Aipatutako artistak:
- Cai, Guo-Qiang
Aurrez aurre instalazioa lehenengo aldiz ekoiztu zen Berlineko Deutsche Guggenheim Museoan, Cai Guo-Qiang-ek 2006an izan zuen Head On bakarkako erakusketan. Oholtza antzeko honetan, tamaina errealeko laurogeita hemezortzi otsok itsumustuan beira gardenezko horma baterantz korrika doaz, arku uniforme itxura duen jauzia egin eta halabeharrez hesi hautsezinaren aurka talka egiten dute. Berlingo Harresiaren erreferentzia da horma gardena, haren jatorrizko altuera eta lodiera baitutu. Cairen ikonografian, otsoak basatiak eta kementsuak dira eta taldearen batasunak heroi bihurtzen ditu. Hala ere, honako lan honetan kohesio hori da galbidea. Alegoria horren bidez, non bide batek otsoak autosuntsitzera daramatzan, Caik talde-ideologia bati jarraitzean gizakiaren hutseginkortasuna azaltzen du.
Ilusioa II bi kanaleko bideo-instalazioa da, Deutsche Guggenheim Museoko erakusketan ere ikusgai izan zena, eta izen bereko leherketa-proiektua dokumentatzen du. Caik alemaniar estiloko etxe bat eraikiarazi zuen Anhalter Bahnhof geltokia zenaren ondoan, Bigarren Mundu Gerran ia osorik suntsitu zuten Berlingo tren-geltoki nagusia.