Migel Anjel eta bere garaia
Leonardo da Vinci eta Francesco Clemente
Migel Anjel eta Rafael Erroman
Atalak
Fra Bartolomeo-ren eta Rafaelen lehenengo urteak
- Izenburua:
- Fra Bartolomeo-ren eta Rafaelen lehenengo urteak
- Erakusketa:
- Migel Anjel eta bere garaia
- Gaiak:
- Artea eta erlijioa | Artearen historia | Eragin artistikoa | Ibilbide artistikoa | Sorkuntza artistikoa | Kolorea | Konposizioa | Perspektiba | Erlijio-margoa | Paisaia | Erroma | Florentzia | Venezia
- Mugimendu artistikoak:
- Errenazimentua
- Teknikak:
- Esfumatura | Marrazkia
- Aipatutako artistak:
- Buonarroti, Michelangelo | da Vinci, Leonardo | Fra Bartolomeo, | Sanzio, Rafael
Florentzian, Fra Bartolomeo-k garrantzi handia izan zuen Errenazimentu klasikoaren garapenean. Bere estiloa konposizioaren argitasun eta orekagatik eta erabateko handitasuna eta seriotasuna darien irudiengatik bereizten da. Deikundearen aingeruak, bere proportzio luzeak eta jantzien aberastasun lineala ikusita, Botticcelli-ren edo Filippino Lippi-ren pinturak gogorarazten dizkigu; hala ere, gorputza inguratzen duen sfumatoan Leonardo-rengandik jasotako eragina antzeman daiteke. Santa Katalina irudikatuta agertzen den marrazkiak kontzepzio piktoriko fina eta nabarmena erakusten du, santua eguzki-argi beroaz estalirik eta lebitatzen dagoelarik, eta agerian uzten du Veneziako pinturaren eragina. Izan ere, bertan egon zen artista 1509. urtean denboraldi labur batez. 1513-1514 inguruan Erromara joan zen, eta han inspirazio-iturri berriak aurkitu zituen Rafael eta Migel Anjelengan, klarion beltzez egindako Apostoluen estudioen soiltasuna eta monumentaltasuna horren erakusgarri argiak izanik. Azkenik, Fra Bartolomeok paisaia-pintore gisa izan zuen garrantzia Paisaia arrokatsua komentuarekin obra zoragarrian antzeman daiteke argi eta garbi.
Fra Bartolomeo Rafaelen laguna zen, eta hark erakutsi zizkion, antza, perspektibaren arauak. Era berean, fraideak kolorea aplikatzen zuen modua imitatu zuen Rafaelek, harmoniaz banatutako tonu biribil eta zehatzen bidez. Rafael 1504an iritsi zen Florentziara, Giovanna della Rovere-k, Sorako dukesak Florentziako gobernadore Pietro Soderini-ri zuzendutako gomendiozko gutunaren laguntzarekin seguruenik. Dirudienez, beste arrazoien artean, Leonardoren eta Migel Anjelen guduen bi errepresentazio famatuak aztertzeko joan zen Arnoko hirira.