Migel Anjel eta bere garaia
Rafael Erroman
Rafaelen eskola
Atalak
Rafaelen testamentu artistikoa
- Izenburua:
- Rafaelen testamentu artistikoa
- Erakusketa:
- Migel Anjel eta bere garaia
- Gaiak:
- Artea eta erlijioa | Sorkuntza artistikoa | Erlijio-margoa | Sebastiano del Piombo
- Teknikak:
- Marrazkia
- Artelan motak:
- Pintura
- Aipatutako artistak:
- Buonarroti, Michelangelo | Sanzio, Rafael
Rafaelek egindako azkeneko koadro gailena Kristoren antzaldatzea da, eta bere testamentu artistikotzat har daiteke. Julio de Medici kardinalak enkargatu zion, geroago Klemente VII.a aita santua izan zenak. Sebastiano del Piombo veneziarraren Lazaro-ren piztuera obrarekin aritu behar izan zuen lehian, Migel Anjelen bozetoen laguntzaz pintatu zuelarik. Rafaelentzat izan zen garaipena eta, hil zenean, 1520ko apirilaren 6an, bere hilkutxaren ondoan jarri zuten.
Ebanjelioan bereizita, baina bata bestearen jarraian agertzen diren bi pasadizo daude irudikatuta: Kristoren Antzaldatzea Tabor mendian, goiko erdian, eta deabrututako mutikoaren sendakuntza, beheko erdian, unitate formal eta espiritual bikain batean bilduta. Beheko erdiko Apostoluetarako marrazkiak, hemen ikusgai, proiektuaren amaierako fasekoak dira eta horregatik Tomas izenekoaren burua Rafaelek, pintura hasi baino lehentxeago, xehetasun garrantzitsuenen mugimenduari, argiari eta espresioari azken ukituak eman zien estudio horietakoa da.