Asmamenaren ildoa
Prudencio Irazabal: Titulurik gabea 767. zk. (1996)
Iruzkinak
Erlea Maneros Zabala: Euskal grafia; tipografia eta apaingintza, 1961–1967, (2013)
- Izenburua:
- Erlea Maneros Zabala: Euskal grafia; tipografia eta apaingintza, 1961–1967, (2013)
- Erakusketa:
- Asmamenaren ildoa
- Gaiak:
- Artea eta historia | Esperimentazio artistikoa | Sorkuntza artistikoa | Materialak | Gizarte-kronika | Frankismoa | Komunikabideak | Sine Nomine | Euskal Herria
- Mugimendu artistikoak:
- Arte Garaikidea
- Teknikak:
- Akuafortea
- Aipatutako artistak:
- Maneros Zabala, Erlea
Akuafortean grabatutako kobrezko 39 xaflak osatzen dute serie hau, eta Sine Nomine aldizkako argitalpenaren orriak erreproduzitzen dituzte. Euskal apaizek klandestinitatean argitaratu eta banatu zuten argitalpen hura 1961etik aurrera, debekatu egin baitzieten Egiz aldizkaria argitaratzea, euskal komunitatearen arazo sozialei buruzko albisteak plazaratzeagatk
Erlea Maneros Zabalak artxiboekiko beti izan duen interesak Juan Jose Agirre beneditarrarekin eta Lazkaoko artxiboarekin lan egitera eraman du. Artxibo horretan daude gordeta, besteak beste, euskal kulturari buruz Francoren diktadura garaian argitaratutako materialak, panfletoak, artxiboak eta aldizkako argitalpenak. Material horietako asko ezkutukoak direnez, 40 urtetako ekoizpen kulturalaren lekukotasuna ematen duten kopia bakarrak dira.
Artxiboak eta Sine Nomine argitalpenak lekukotza-balio kalkulaezina dute; izan ere, frankismo garaian hemen gertatutakoa ezagutu eta interpretatu ahal izateko aukera ematen duen dokumentazio ez-ofizial eta herrikoi urriaren parte da.
Baina artista ez da zentratzen argitalpenak jasotzen dituen ideietan, baizik eta elementu formal eta material gisa duen ahalmenean, garai hartako testuinguru kulturalarekiko distantzia historikoa erakusteko erreminta gisa. Horretarako, orri editatuak aurkeztu beharrean, erreprodukzio mekanikorako beharrezko matrizeak erakusten ditu Maneros Zabalak.