Jean Dubuffet: Ospakizun Bizia
Sarrera
Lucien Geominne soldaduaren erretratua (Portrait du soldat Lucien Geominne), 1950eko abendua
Olio-pintura, harea eta hartxintxarrak Masonite gainean
Solomon R. Guggenheim Foundation, Hannelore B. and Rudolph B. Schulhof Collection, Legatua: Hannelore B. Schulhofena 2012.49
Iruzkinak
Botere-nahia (Volonté de puissance), 1946ko urtarrilaOlio-pintura, hartxintxarrak, harea, beira eta soka mihise gaineanSolomon R. Guggenheim Museum, New York 74.2076
- Izenburua:
- Botere-nahia (Volonté de puissance), 1946ko urtarrilaOlio-pintura, hartxintxarrak, harea, beira eta soka mihise gaineanSolomon R. Guggenheim Museum, New York 74.2076
- Erakusketa:
- Jean Dubuffet: Ospakizun Bizia
- Gaiak:
- Giza gorputza | Eragin artistikoa | Ibilbide artistikoa | Esperimentazio artistikoa | Sorkuntza artistikoa | Lan-prozesua | Materialak | Biluzia | Karikatura | Filosofia | Gizontasuna | Teknika eta materialak
- Mugimendu artistikoak:
- Art Brut
- Teknikak:
- Haute pâte
- Artelan motak:
- Pintura
- Aipatutako artistak:
- Dubuffet, Jean
1940ko hamarkadan hasitako ekoizpen artistiko intentsiboaren lehen etapan, Dubuffetek konpromisoa hartu zuen edertasunari eta artearen estatus gailenari buruzko ideal ezarriei aurre egiteko. Aldi berean, eguneroko errealitatearen aberastasuna agerian uzten ahalegindu zen, uste osoa baitzuen ideal tradizionalago horiek debaluatu egiten zutela inplizituki aberastasun hura.
1940ko hamarkadaren erdialdean, ezohiko testurekin esperimentatzeari ekin zion, estetika klasikoaren aurkako jarrerak eta sorkuntza artistikoaren berezko materialekiko interes biziak bultzaturik. Pinturaren alderdi materiala ardatz hartuta, zementua, hondarra, legarra edo ikatz-hautsa baliatu zituen nahasian olio-pintura loditzeko, harik eta ore moduko bat lortu arte. Haute pâte deitu zion nahasketa hari, edo «pasta garaia», hitzez hitzezko itzulpenean. Teknika horren bidez, ordura arte pinturan ia agertu ez ziren lodierako ehundurak sortu zituen. Lan berri horiek 1946an egon ziren ikusgai lehenbizikoz René Drouin galerian, eta Mirobolus, Macadam et Cie erakusketaren parte izan ziren. Dubuffetek saiakera bat idatzi zuen erakusketa horren katalogorako, Buztinaren birgaikuntza izenekoa, eta lan horiek egitean zer asmo zeukan deskribatzen zuen.
Aurrez aurre dugun Botere nahia obra da, hain justu, Dubuffeten hautes pâtes lanen adibide garbia. Pintura lodiaz gainera, artistak material ugari erabili zituen gainazal hondartsua eta biziki enpastatua nabarmentzeko. Esaterako, harriak erabili zituen hortzak irudikatzeko; sokak bekainak egiteko, eta begietarako, berriz, beira distiratsuen zatiak.
Lan horren motiboa erabat probokatzailea da. Tamaina handiko gizonezko biluzi grotesko bat da nagusi oihalean: gizon iletsu eta sendoa, gizasemeen basakeria irudikatzen duena. Koadroaren izenburuak, Botere nahia, Friedrich Nietzscheren filosofiaren kontzeptu nagusietako bati egiten dio erreferentzia, zeina nazien ideologiak erabili ondotik egin baitzen ezagun. Dubuffeten irudiak, ordea, karikaturizatu egiten du ideologia hori, eta bufoi barregarri gisa aurkezten digu pertsonaia hori, nahiz eta dudarik gabe arriskutsu itxura izan.