Jean Dubuffet: Ospakizun Bizia
Botere-nahia (Volonté de puissance), 1946ko urtarrila
Olio-pintura, hartxintxarrak, harea, beira eta soka mihise gainean
Solomon R. Guggenheim Museum, New York 74.2076
Irudipenen muinoa (La butte aux visions), abuztuak 23, 1952
Olio-pintura Masonite gainean
Solomon R. Guggenheim Museum, New York 74.2077
Iruzkinak
Lucien Geominne soldaduaren erretratua (Portrait du soldat Lucien Geominne), 1950eko abenduaOlio-pintura, harea eta hartxintxarrak Masonite gaineanSolomon R. Guggenheim Foundation, Hannelore B. and Rudolph B. Schulhof Collection, Legatua: Hannelore B. Schulhofena 2012.49
- Izenburua:
- Lucien Geominne soldaduaren erretratua (Portrait du soldat Lucien Geominne), 1950eko abenduaOlio-pintura, harea eta hartxintxarrak Masonite gaineanSolomon R. Guggenheim Foundation, Hannelore B. and Rudolph B. Schulhof Collection, Legatua: Hannelore B. Schulhofena 2012.49
- Erakusketa:
- Jean Dubuffet: Ospakizun Bizia
- Gaiak:
- Gizakia | Itxuraldaketa | Eragin artistikoa | Esperimentazio artistikoa | Kritika | Sorkuntza artistikoa | Konposizioa | Materialtasuna | Sinbologia | Erretratua eta autorretratua | Paris | Teknika eta materialak
- Mugimendu artistikoak:
- Art Brut
- Teknikak:
- Haute pâte
- Artelan motak:
- Pintura
- Aipatutako artistak:
- Dubuffet, Jean
1947ko urrian, Dubuffetek erretratu-erakusketa bat aurkeztu zuen René Drouin galerian, Jendea uste baino askoz ere ederragoa da. Bejondeiela haien egiazko aurpegiei! izenburuarekin.
Dubuffetek bi urte lehenago hasi zuen saila, Jean Paulhan lagunaren erretratu batzuekin. Intelektual nabarmen hark eragin garbia izan zuen, eta Parisko artista- eta idazle-zirkulu zabalago batean ezagutarazi zuen Dubuffeten lana. Sail horretako lan askotan, Dubuffetek haute pâte teknika erabili zuen, eta buruz egin zituen erretratuak, modelo bakoitzari posatzeko eskatu ordez. Dubuffetek ez zuen irudikatzen erretratatutako pertsona literalki, baizik eta modu orokor eta esajeratuan birsortzen zuen. Egun batean, gogoeta hauxe egin zuen: «Iruditzen zitzaidan, nire modeloak despertsonalizatuz eta oinarrizko giza irudiaren plano oso orokor batera eramanez, irudimen- edo zirikatze-mekanismo definigaitzak piztuko zizkiola koadroaren erabiltzaileari, eta horrek asko sendotuko zuela irudiaren indarra».
Erretratua modeloen ezaugarri positiboak goraipatzeko erabili izan da gehienbat historian zehar. Tradizio horren kontrako erreakzio gisa, Dubuffetek materia hutsera murriztu zituen erretratuak, potentzialki gogoraraziz haien gizatasuna. Hala ere, koadrootan ikusten den bezala, materialtasun hori berez da elementu liluragarria, eta indargabetu egiten du hilkortasunari buruzko erreferentzia zuzen horren balizko gogortasuna.
Lucien Geominne soldaduaren erretratuak argi eta garbi islatzen ditu sailaren ezaugarriak. Hemen, antiheroi gisa aurkezten da soldaduaren gaia, maiz erromantiko eta loriatu izan dena. Lucien Geominneren aurpegia desitxuraturik, grotesko eta zurbil ageri da; badirudi desintegratzen eta deskonposatzen ari dela haren larruazala; eta galdetu ere galdetu liteke bizirik ala hilda ote dagoen. Dena den, koadroak erakargarritasun ukaezina du begietara, gainazal nahaspilatuari eta konposizioaren sinpletasun eta batasunari esker. Erretratuaren estetika berrasmatzean, Dubuffetek bestelako edertasun-modu berri bat aldarrikatu zuen modeloak irudikatzean, ordena zinez ezberdin bat.