Jean Dubuffet: Ospakizun Bizia
Lucien Geominne soldaduaren erretratua (Portrait du soldat Lucien Geominne), 1950eko abendua
Olio-pintura, harea eta hartxintxarrak Masonite gainean
Solomon R. Guggenheim Foundation, Hannelore B. and Rudolph B. Schulhof Collection, Legatua: Hannelore B. Schulhofena 2012.49
Atea askiarekin (Porte au chiendent), urriak 31, 1957
Olio-pintura mihise gainean, mihise gainean muntatua
Solomon R. Guggenheim Museum, New York 59.1549
Iruzkinak
Irudipenen muinoa (La butte aux visions), abuztuak 23, 1952Olio-pintura Masonite gaineanSolomon R. Guggenheim Museum, New York 74.2077
- Izenburua:
- Irudipenen muinoa (La butte aux visions), abuztuak 23, 1952Olio-pintura Masonite gaineanSolomon R. Guggenheim Museum, New York 74.2077
- Erakusketa:
- Jean Dubuffet: Ospakizun Bizia
- Gaiak:
- Eragin artistikoa | Ibilbide artistikoa | Esperimentazio artistikoa | Sorkuntza artistikoa | Forma | Kolorea | Konposizioa | Paisaia | Kaosa | Kolonialismoa | Aljeria | Paris | Teknika eta materialak
- Mugimendu artistikoak:
- Art Brut
- Artelan motak:
- Pintura
- Aipatutako artistak:
- Dubuffet, Jean
1947 eta 1949 artean, Dubuffetek hainbat bidaia egin zituen garai hartako Aljeria kolonia frantziarrera. Han, arabiera ikasi eta harreman estua izan zuen beduino-komunitateekin, eta arkatzak eta papera banatu zizkien hango biztanleei, artegintzan ikusteko itxaropenez. Basamortu handiek ere biziki hunkitu zuten, eta iruditzen zitzaion paisaia hark ez zuela elementu bereizgarririk. Aljerian izan zuen esperientzia hartan, garai hartako turista europar eta estatubatuar guztiek zituzten ideia kolonialista eta paternalista bertsuek eragin zioten; hala eta guztiz ere, inspirazio-iturri handia izan ziren bidaia haiek. Animatu egin zuten Dubuffet, paisaia-pinturaren Europako tradizioa sakontzera eta berrikustera, jakinik huraxe zela artearen historia kanonikoaren motibo handienetako bat, erretratuarekin eta emakumezkoen biluziarekin batera.
1950 eta 1952 bitarteko aldi laburrean, Dubuffetek paisaiaren irudikapena berrasmatzeko tresna berriak garatzea lortu zuen. Pintura berriotan, ez zuen sortu erliebe-efekturik enpaste trinkoen edo haute pâteen bidez, berrogeiko hamarkada amaierako obretan egin zuen bezala. Zuzenean lurzoruaren gainean lan eginez, beste material batzuekin eraikitzen zituen olio-pinturaren azpiko gainazalak, eta fabrikazioaren edo eraikuntzaren eremutik hartzen zituen gehienak. Bestetik, grisez, marroiz eta beltzez osaturiko lur-paleta kromatikoa baliatzen zuen lanak osatzeko.
Dubuffetek ez zuen nahi lan horiek mundu naturalaren irudikapen huts izatea. Aitzitik, geure adimenaren irudikapen gisa funtzionatzea bilatzen zuen. Sailaren izenburuak ederki islatzen du asmo hori: Paisaia mentalak. Sorkuntza-sail horren barruko Irudipenen muinoa lanean, zeruertz altu eta distortsionatu batek menderatzen du paisaia anarkikoa eta itxuraz lurpekoa. Lurpeko eremu horretan bizi diren forma mardul eta irtenek giza garunaren beraren fisikotasuna ekartzen dute gogora. Saileko gaiei dagokienez, formen zehaztugabetasunak analogia bat iradokitzen du gure buruaren kaosarekin. Dubuffeten hitzetan: «Jada ez dira kanpoko lekuen deskribapenak, baizik eta margolariaren buruan bizi diren gertakarienak. Zerebroko paisaiak dira. Gizakiaren buruan bizi den mundu immateriala erakutsi nahi dute: irudien eta irudi-hasieren nahaspila, zalapartan gurutzatzen eta nahasten diren lekuan desagertzen diren irudiena; kanpoko munduaren oroitzapenez eta garuneko eta barneko gertaera hutsez betetako zarpailak nahas-mahas, erraietatik sortuak akaso».