Jean Dubuffet: Ospakizun Bizia
Tirabira (La Mésentente), martxoak 12, 1978
Akrilikoa paper gainean, mihise gainean muntatua
Solomon R. Guggenheim Museum, New York, truke bidez 86.3405
[Esperientzia musikalak]
Iruzkinak
Mira G 132 (Kowloon) [Mire G 132 (Kowloon)], irailak 18, 1983Akrilikoa paper gainean, mihise gainean muntatuaSolomon R. Guggenheim Museum, New York 87.3526
- Izenburua:
- Mira G 132 (Kowloon) [Mire G 132 (Kowloon)], irailak 18, 1983Akrilikoa paper gainean, mihise gainean muntatuaSolomon R. Guggenheim Museum, New York 87.3526
- Erakusketa:
- Jean Dubuffet: Ospakizun Bizia
- Gaiak:
- Eragin artistikoa | Esperimentazio artistikoa | Sorkuntza artistikoa | Kolorea | Konposizioa | Lerroa | Tamaina | Poesia | Musika | Teknika eta materialak
- Mugimendu artistikoak:
- Art Brut
- Teknikak:
- Pintura (pintura akrilikoa)
- Artelan motak:
- Pintura
- Aipatutako artistak:
- Dubuffet, Jean
Azken sorkuntzetan, Dubuffetek bide berriak jorratzeari ekin zion beste behin ere. Mira G 132 (Kowloon) obra Mirak izeneko sail handiaren parte da. 1983 eta 1984 bitartean margotutako obra-multzo hori konposizio abstraktuz osaturik dago. Dubuffetek jomuga bat eta isla bat adierazteko aukeratu zuen sail horren izenburua, ikusizko esperientziaren konplexutasunak aipatuz.
Nahiz eta baduen antzekotasunik aurreko Oroimenaren antzerkiak sailarekin, Mirak saileko lanek apenas duten ezagutzeko moduko irudikapenik. Lerro distiratsu eta abstraktuen indarrak inkontzientean sarrarazten gaitu, eta eguneroko bizitzan onartu ohi denaz bestelako errealitate bat ekartzen digu gogora. Dubuffetek mugikortasun mugatuta zeukanean sortu zituen konposizio handi horiek, bakoitza 67 x 100 zm-ko paper-orriak batuz.
«Kowloon» Hong Kongeko barruti baten izena da. Dubuffetek ez zuen sekula bisitatu paraje hura, baina, hitzaren soinuak erakarrita, Txinako dekorazioaren gaineko bere ikuspegiarekin lotu zuen margolan horien kolore-paleta. Mirak saileko beste azpitalde batek, Bolero izenarekin taldekaturik, tankera bertsuko harremana du Gaztelako eskualde historikoarekin.
Erakusketa honetan ikusi dugun bezala, Dubuffeten ibilbidea biziki askotarikoa izan zen, eta lau hamarkada biltzen ditu: sorkuntza artistikoko hainbat material eta teknikarekin esperimentatu zuen. Bere ekoizpen plastiko heterogeneoaz gainera, poesia eta testu teorikoak ere idatzi zituen, Art Brut bilduma mamitsu bat bildu zuen, musika konposatu eta interpretatu zuen, eta eskala handiko eskulturak egin zituen aire zabalerako. Bizitza artistikoaren alderdi guztiak baliatuz, Dubuffet hainbat eratako muga intelektualez gabetzen saiatu zen, eta ahalegindu zen, orobat, ikusleek ere askatasun mental hori bera lor zezaten. 1985ean hil zen arte, Dubuffetek ibilbide oparoa eta oso arrakastatsua izan zuen. Bizitzaren amaieran, Frantzian ez ezik Ameriketako Estatu Batuetan ere aintzatetsi zuten haren lana, eta mundu zabaleko atzerabegirako eta banakako erakusketetan ipini zuten ikusgai haren obra.