Jean Dubuffet: Ospakizun Bizia
Irudipenen muinoa (La butte aux visions), abuztuak 23, 1952
Olio-pintura Masonite gainean
Solomon R. Guggenheim Museum, New York 74.2077
Inbentarioaren jarraipena (Suite d'inventaire), 1958ko azaroa; Aztarna-hartzailea (Le preneur d'empreintes), 1959ko urtarrila; eta Lurreko antzerkia (Théâtre du sol), 1959ko uztaila
Tipografiadun hamazortzi litografiako hiru bilduma
Solomon R. Guggenheim Museum, New York, dohaintza, Morton Lloyd Janklow jaun-andreak artistaren ohorez 82.2973.3, 82.2973.4 eta 82.2973.8
Iruzkinak
Atea askiarekin (Porte au chiendent), urriak 31, 1957Olio-pintura mihise gainean, mihise gainean muntatuaSolomon R. Guggenheim Museum, New York 59.1549
- Izenburua:
- Atea askiarekin (Porte au chiendent), urriak 31, 1957Olio-pintura mihise gainean, mihise gainean muntatuaSolomon R. Guggenheim Museum, New York 59.1549
- Erakusketa:
- Jean Dubuffet: Ospakizun Bizia
- Gaiak:
- Ibilbide artistikoa | Esperimentazio artistikoa | Sorkuntza artistikoa | Forma | Lan-prozesua | Paisaia | Natura | Frantzia | Geologia | Teknika eta materialak
- Mugimendu artistikoak:
- Art Brut
- Artelan motak:
- Pintura (olio-pintura)
- Aipatutako artistak:
- Dubuffet, Jean
1955ean Frantzia hegoaldeko Vence udalerrira bizitzera joan ondoren, Dubuffetek ikuspegi piktoriko berri batekiko interesa agertu zuen, bere Mihiztatze-pinturetan ikus daitekeen bezala. Aldi horretan, berrogeita hamarreko hamarkadaren amaieran, inguruko mundu materialean eta paisaiaren –eta batez ere lurzoruaren– esplorazio geologikoetara jo zuen Dubuffetek. Vencen bizi izan zen bitartean, beste sail ospetsu batzuk margotu zituen ikuspegi gainjarriekin, hala nola Topografiak, Testurologiak eta Materiologiak.
Mihiztatze-pinturak egiteko, Dubuffetek mihise ugari margotzen zituen; hainbat forma eratuz ebaki, eta, ondoren, lotu egiten zituen zati horiek bata bestearekin, koadro figuratiboak sortzeko. Atea askiarekin lanean, mihiseak mihiztatu egiten dira, eta landa-ate bat eta haren inguru hurbila jasotzen dituen eszena bat sortzen du. Atearen motiboaren jatorrian, Dubuffetek Frantzia hegoaldean topatu zituen paisaia natural eta arkitektoniko xumeekiko interesa dago: etxeak, lurra, bideak, landaretza eta, jakina, ateak.
Kasu horretan, atea mihise bakarrarekin dago osatuta. Inguratzen duen multzoak horma bat, atalasea, lurzorua eta landaretza irudikatzen ditu. Elementu bakoitzak bere diseinua eta ehundurak ditu. Atea askiarekin obraren atal batzuetan, «tirolesa» izeneko estaldura-teknika bat erabiltzen da, zeina igeltseroek baliatzen baitute hormak luzitzean, testura-akabera emateko: hau da, pintzel bat astintzen da gainazal batean, tanta txikiz ihinztatuta estaltzeko. Atea askiarekin lanean, Dubuffetek ezohiko beste metodo batekin konbinatu zuen teknika hori: gainazala sardexka baten hortzekin karrakatzen du, landare eta harrien motiboak eta ehundurak sortzeko.
Mihiztatze-pinturetan erabilitako metodoak, Dubuffetek esperimentatzeko duen grina ez ezik, ingurunearekiko duen jakin-mina ere iradokitzen du.