Jean Dubuffet: Ospakizun Bizia
Mutatuz permutatuz (Mute Permute), 1971ko urria eta Bihurria (L'Espiègle), uztailak 24, 1971
Apar-xafla, binilo-pintura eta pintura akrilikoa
Solomon R. Guggenheim Museum, New York, dohaintza, Morton Lloyd Janklow jaun-andreak 79.2608
Solomon R. Guggenheim Foundation, New York, dohaintza, Tom eta Remi Messer 81.2836
Mira G 132 (Kowloon) [Mire G 132 (Kowloon)], irailak 18, 1983
Akrilikoa paper gainean, mihise gainean muntatua
Solomon R. Guggenheim Museum, New York 87.3526
Iruzkinak
Tirabira (La Mésentente), martxoak 12, 1978Akrilikoa paper gainean, mihise gainean muntatuaSolomon R. Guggenheim Museum, New York, truke bidez 86.3405
- Izenburua:
- Tirabira (La Mésentente), martxoak 12, 1978Akrilikoa paper gainean, mihise gainean muntatuaSolomon R. Guggenheim Museum, New York, truke bidez 86.3405
- Erakusketa:
- Jean Dubuffet: Ospakizun Bizia
- Gaiak:
- Eragin artistikoa | Ibilbide artistikoa | Esperimentazio artistikoa | Sorkuntza artistikoa | Irudikapena | Papera | Marrazkigintza | Pace Gallery | New York | Paris | Jean-Michel Basquiat
- Mugimendu artistikoak:
- Art Brut
- Teknikak:
- Collage
- Artelan motak:
- Pintura
- Aipatutako artistak:
- Dubuffet, Jean
1975eko urritik 1979ko maiatzera bitartean, Dubuffetek beste sail bati ekin zion, zeinari Oroimenaren antzerkiak deitu baitzion. 1950eko hamarkadaren amaieran garatu zuen mihiztaduraren teknika berreskuratuz, collage erraldoietan gainjarri zituen obra txikiagoen zatiak. Paper ebakien gaineko marrazki eta pinturen inbentario batetik abiatuta eginak dira (handiak eta txikiak, figuratiboak eta abstraktuak, naturakoak eta arkitektonikoak), eta haietako bakoitza artistaren buruko leku eta eszenen oroitzapenak biltzen dituen mihiztadura panoramiko bat da. Frances Yatesen Oroimenaren artea liburuan inspiraturik izendatu zuen Dubuffetek sail garrantzitsu hori.
Sail haren parte da, hain justu, areto honetan ikusgai dagoen Tirabira lana. Aldi berean aurkezten dira pentsamenduak eta irudiak, irudimen neurrigabe batean sortuko liratekeen bezala. Obra honetan, Dubuffetek collage piktoriko bat eraiki zuen, hainbat geruzaz osatua. Geruza horiek bost irudi irudikatzen dituzte zutik, zehaztu gabeko paisaia abstraktu batean. Irudi batzuek Dubuffeten aurreko ikonografia gogorarazten dute, hala nola Parisko Zirkua saileko irudiak edo L’Hourloupe saileko forma zelularrak.
Dubuffeten beraren arabera: «Muntaia horietan, nahas-mahas ageri dira une eta begiratze-ekintza baten parte diren lekuak eta eszenak. Adimenarekin begiratzeaz hitz egin beharko genuke, eta ez begien berehalako begiradaz. Ez da nahastu behar begiek atzematen dutena adimenak bereganatzen duenean gertatzen denarekin. Edozein unetan, noiznahi, begiek aurrean duten zatia bakarrik ikusten dute, eremu txiki batean elkar hartzen dute. Adimenak, ordea, guztia hartzen du: eremu guztiak laburbiltzen ditu; elkarrekin dantzarazten ditu». Obra horiek New Yorkeko Pace Galleryn erakutsi zituzten 1979an, eta eragin handia izan zuten Ameriketako Estatu Batuetako artista-belaunaldi batean, Jean-Michel Basquiat edo Keith Haring sortzaileengan, esaterako.