Jean Dubuffet: Ospakizun Bizia
Atea askiarekin (Porte au chiendent), urriak 31, 1957
Olio-pintura mihise gainean, mihise gainean muntatua
Solomon R. Guggenheim Museum, New York 59.1549
Une egokia (L'instant propice), urtarrilak 2–3, 1962
Olio-pintura mihise gainean
Solomon R. Guggenheim Museum, New York 74.2080
Iruzkinak
Inbentarioaren jarraipena (Suite d'inventaire), 1958ko azaroa; Aztarna-hartzailea (Le preneur d'empreintes), 1959ko urtarrila; eta Lurreko antzerkia (Théâtre du sol), 1959ko uztailaTipografiadun hamazortzi litografiako hiru bildumaSolomon R. Guggenheim Museum, New York, dohaintza, Morton Lloyd Janklow jaun-andreak artistaren ohorez 82.2973.3, 82.2973.4 eta 82.2973.8
- Izenburua:
- Inbentarioaren jarraipena (Suite d'inventaire), 1958ko azaroa; Aztarna-hartzailea (Le preneur d'empreintes), 1959ko urtarrila; eta Lurreko antzerkia (Théâtre du sol), 1959ko uztailaTipografiadun hamazortzi litografiako hiru bildumaSolomon R. Guggenheim Museum, New York, dohaintza, Morton Lloyd Janklow jaun-andreak artistaren ohorez 82.2973.3, 82.2973.4 eta 82.2973.8
- Erakusketa:
- Jean Dubuffet: Ospakizun Bizia
- Gaiak:
- Eragin artistikoa | Esperimentazio artistikoa | Sorkuntza artistikoa | Kolorea | Konposizioa | Lan-prozesua | Teknika eta materialak
- Mugimendu artistikoak:
- Art Brut
- Teknikak:
- Litografia
- Artelan motak:
- Litografia
- Aipatutako artistak:
- Dubuffet, Jean
Horma honetan, Dubuffetek Fenomenoak sailerako sortutako 362 litografietatik 54 daude ikusgai.
Dubuffet 1944an hasi zen litografiak egiten, baina, 1958 eta 1962 artean, buru-belarri aritu zen diziplina horretan. Halaxe sortu zuen sail bikain hau. Hasieratik, lortu zitzakeen efektuen azterketa sistematikoa egitea planifikatu zuen, hainbat modutara litografia-plantxen kopuru finko bat konbinatuz. Lehenik eta behin, banakako xafla ugari sortu zituen, zeinak beltzez inprimatu baitzituen. Irudi horien ezaugarri nagusiak gainazal osoan han-hemenka ipinitako edo sakabanatutako motiboak dira, neurri batean ondoren errazago lotu ahal izateko. Ondoren, Dubuffetek konbinatu egin zituen, oinarri-irudien orientazioa ebakiz, gainjarriz eta doituz, eta, gero, kolore desberdinetan inprimatuz.
Oinarri-irudi horiek egiteko, Dubuffetek ez zuen baliatu ohiko teknika litografikoa. Irudiak inprimaketa-plantxan pintzel batekin aplikatu beharrean, hainbat objekturen aztarnak atera zituen transferentzia-paperari esker. Aztarnak ateratzeko baliatu zituen gauzen artean ageri dira, esaterako, hormak, harriak, laranja-azalak, maleta zahar bat eta lagun baten bizkar biluzia. Dubuffetek erreakzio kimikoak eragiten zizkien harri litografikoei, eta, inprimaketa-prozesuan, material arraroak txertatzen zituen zuzenean haietan. Metodo horien bidez, Dubuffetek analogia bisualak lortu nahi zituen era guztietako fenomenoekin. Grabatuen izenburuek lotura enigmatikoak islatzen dituzte naturaren, kulturaren eta adimenaren arloko gaiekin. Azken buruan, proiektu honen emaitza irudi-atlas ikusgarri bat da, itxuraz abstraktua, eta, hala ere, mundu errealarekin lotua. Gertaera ikusgarrien eta ikusezinen sailkapen poetiko gisa funtzionatzen du, eta ikusleak bestelako ikuspegi irudimentsu bat hartu behar du nahitaez, interpretatuko baditu.