Joana Vasconcelos. Zure ispilua naiz
Andregaia (A Noiva), 2001–05
www.fatimashop, 2002
Iruzkinak
Valium-ohea (Cama Valium), 1998 eta Aspirina-besaulkia (Sofá Aspirina), 1997
- Izenburua:
- Valium-ohea (Cama Valium), 1998 eta Aspirina-besaulkia (Sofá Aspirina), 1997
- Erakusketa:
- Joana Vasconcelos. Zure ispilua naiz
- Gaiak:
- Gizakia | Artea eta gizartea | Artea eta emozioa | Kritika | Sorkuntza artistikoa | Forma | Materiala | Dualtasuna
- Mugimendu artistikoak:
- Minimalismoa
- Aipatutako artistak:
- Vasconcelos, Joana
Valium-ohea eta Aspirina-besaulkia dira artistaren lan ospetsuenetakoak eta, aldi berean, goiztiarrenak, Andregaia edo Burka lanekin batera.
Artistak besaulki bat eta ohe bat egin ditu zurez eta beiraz, lerro hutsez, zurrunez, minimalistez. Besaulki eta ohe horiek, horra paradoxa, ez dirudite guri erosotasun handirik eskaintzeko modukoak direnik.
Bi altzarien zurezko eta beirazko egiturak ehunka aspirina eta valium tabletez estali ditu Vasconcelos-ek. Hauxe da haren baliabide ohikoenetakoa: osagaiak biderkatzea, guztien artean osatzeko sortzen den beste irudi bat. Pilula horiek, gure etxeetan egunerokoak eta ohikoak diren kontsumo gai horiek, mina eta antsietatea arintzen dituzte.
Gure garaiko bizi-erritmoak eskatzen digun etengabeko produktibitateak akidura fisikoa eta mina eragiten digu, baita loa galarazi ere. Pertsona ugarirentzat beharrezkoa da kimikaren laguntza lo egiteko, eta esnatzean berriz ere, mina arintzeko. Eta horretarako, aspirina eta valium tableta hauek, oso ugari iruditu arren, beharbada ez dira pertsona batek bere bizitzan kontsumitzen dituenak baino gehiago.
Hemen, Vasconcelosek kontsumo-gizartearen kritika egiten du, beti bere burua irensten ari delako, amaigabeko ekoizpen-behar hori dela-eta. Gogora ekartzen digu plazer adina itolarri eragiten ahal digula, higatu ahal gaituela eta atsedena galarazi, eta ondorioz mendekotasunean kateatu: esnatu nahiz lokartu berdin, kritikotasunik gabeko pentsamendu batean.