Chacun à son goût
Elssie Ansareo, Flâneuses-en dantza (La danse des flâneuses), 2007 (305. aretoa)
Maider López, 306. aretoa (Sala 306), 2007 (306. aretoa)
Iruzkinak
Manu Arregui, Guztiz xarmangarria (Irresistiblemente bonito), 2007 (305. aretoa)
- Izenburua:
- Manu Arregui, Guztiz xarmangarria (Irresistiblemente bonito), 2007 (305. aretoa)
- Erakusketa:
- Chacun à son goût
- Gaiak:
- Gizakia | Artea eta komunikabideak | Artea eta emozioa | Artea eta teknologia | Sorkuntza artistikoa | Bakardadea | Gogoeta
- Artelan motak:
- Animazioa | Bideoa
- Aipatutako artistak:
- Arregui, Manu
Manu Arregui-k informatika darabil bere artelanaren oinarri gisa, irudi errealak eta birtualak konbinatzen ditu, argi eta garbi, bideojoko-kulturaren, animazio japoniarraren edota hiru dimentsiotako modelaketa digitalaren eraginpean. Gainera, Ipar Amerikako kultura zinematografikoa ere erabiltzen du. Arreguik aurkezten digun ikuspegia xumea eta inuzentea da hasieran, baina, ikusi ahala, konplexu bihurtzen da. Bere ekoizpen artistikoan errepikatzen diren gaiak dira kultura zibernetikoaren izaera anonimoa, sexu-jarreren baliozkotasuna edo iraungitzea nahiz isolamendu- eta bakardade-sentimenak. Bere azken lanetan Arregui protagonista errealak erabiltzen hasi da, arrazoiren batengatik konbentzionala den horretatik at gelditzen diren protagonistak.
Guztiz xarmangarria da erakusketa honetarako egin duen lanaren izenburua. Bertan pertsonaia erreal horietako bat ageri da: Vanesa Jiménez hain zuzen ere, hezurretan malformazioak sorrarazten dituen gaixotasun atzeraezin bat duen neskatoa. Vanesaren kasua, “kristalezko hezurrak dituen neskatilaren kasua” bezala ezagutu dena, telebista-programek norbere burua hobetzeko nahiaren adibide gisa aurkeztu zutenean zabaldu zen. Errealitate horretatik abiatuta, Manu Arreguik fikziozko errepresentazio bat sortu du, telebista-erreportaje horien asmo onak zalantzan jarri eta pertsonaia erreal baten mediatizazioa aztertzeko. Komunikabideei buruz Arreguik egiten duen kritikak ikuspegi bikoitza dauka: batetik, nazkatu arteko errepikapena dago, istoriorik hunkigarrienak hutsal bihur baitaitezke, eta, bestetik, teknologia digitalak benetakoa denaren horrekiko erakusten duen mesprezua dago, errealitatea eta birtuala denaren arteko mugak nahasten direneko unibertso paralelo bat sortzen baita.