Chacun à son goût
Juan Pérez Agirregoikoa, Instalazio bilakatutako proiektua (Proyecto convertido en instalación), 2007 (303. aretoa)
Juan Pérez Agirregoikoa, Zuen nahiari men egin diozue? (¿Habéis cedido a vuestro deseo?), 2007 (Balkoia)
Iruzkinak
Aitor Ortiz, Y, 2007 (304. aretoa)
- Izenburua:
- Aitor Ortiz, Y, 2007 (304. aretoa)
- Erakusketa:
- Chacun à son goût
- Gaiak:
- Artea eta espazioa | Artea eta pertzepzioa | Artea eta emozioa | Sorkuntza artistikoa | Argia | Mugimendua | Sinbologia
- Artelan motak:
- Argazkia | Arkitektura
- Aipatutako artistak:
- Ortiz, Aitor
Aitor Ortiz-ek argazkia erabiltzen du espazio arkitektonikoa aztertzeko, betiere ikuspegi isil eta behatzaile batetik. Suntsitutako toki ilunak aukeratzen baditu ere, badirudi, kamera-objektiboaren aurrean, espazio horiek aspaldi galdutako energia berreskuratzen dutela, eta kutsu oniriko eta, batzuetan, zirraragarria bereganatzen dute. Ortizek botere sinbolikoa ematen die espazio horiei, argiz eta itzalez hornitzen ditu, eta, horrela, espazio poetiko eta traszendente bihurtzen dira. Ortizen irudiek denboraren joanari egiten diote erreferentzia, isiltasunak eta hutsuneak daukaten pisuari, espazioaren pertzepzioari, eta, agian, gizarte garaikideak mendebaldeko munduan bizi duen bakardadeari eta aldentze-mailari.
Argazki-panel sorta honekin, artista bilbotarrak hormen benetako barrunbeak baliatzen ditu arkitekturaren pertzepzioa aztertzeko. Horrela, lausotu egiten dira argazkiaren eta errealitatearen arteko mugak, ikusmen-pertzepzioaren eta arkitekturaren sendotasunaren arteko mugak. Mugimendua eta argia lanaren osagaiak dira: panelak higikorrak dira, hormaren formari egokitzeko, eta argi-aldaketek proiektuaren efektu mimetiko hori areagotzen dute. Honela azaltzen zuen Ortizek:
“argazki-panelek errepresentazioaren prozeduren bitartez erakusten dute horma; zuloek, berriz, pareta hustuz eta leiho fisiko bat sortuz, eraikitako espazioaren esperientzia erreala proposatzen dute”.