Chacun à son goût
Manu Arregui, Guztiz xarmangarria (Irresistiblemente bonito), 2007 (305. aretoa)
Clemente Bernad, Jornalariak (Jornaleros), Euskal kronikak (Basque Chronicles), Hilobi irekiak (A tumba abierta), Caracas sailak (307. aretoa)
Iruzkinak
Maider López, 306. aretoa (Sala 306), 2007 (306. aretoa)
- Izenburua:
- Maider López, 306. aretoa (Sala 306), 2007 (306. aretoa)
- Erakusketa:
- Chacun à son goût
- Gaiak:
- Artea eta espazioa | Artea eta umorea | Ibilbide artistikoa | Sorkuntza artistikoa | Forma | Geometria | Kolorea | Tamaina
- Artelan motak:
- Arkitektura | Instalazioa
- Aipatutako artistak:
- López, Maider
Bilbon Arte Ederretan lizentziatu ostean eta Londresen Arte Ederretako master bat egin eta gero, Maider López donostiarra arkitekturako doktoretza bat ikasten hasi zen Euskal Herriko Unibertsitatean. Arkitekturarako eta arterako duen interes bikoitz hori etengabe islatzen da bere lanetan, biak ere estetikoa eta funtzionala denaren arteko nolabaiteko espazioan kokatzen baitira. Bere piezak espazio arkitektonikoan kokatzen dira, oroigarri gisa ikuslearentzat, norberekiko non kokatzen den zehazten laguntzen baitiote. Harrigarria da, halaber, nola erabiltzen duen kolorea zorua eta hormak hartuz, eta eraldatutako espazio horren zati bihurtuz. Maider Lópezen instalazioetan leihoak, ateak, zutabeak edo harresiak egoten dira eta eraikin bihurtzen dira, aterpe gisa daukaten eraikinaren barnean.
Erakusketarako sortutako proiektuan Lópezek ildo berari jarraitzen dio ironikoki, ironia baita bere piezetan ageri den beste konstanteetako bat. Eskala handian lan eginez, Guggenheim Bilbao Museoko areto klasikoetako bat “Frank Gehry areto” bihurtu du, arkitekto horren ezaugarri enblematikoenak errepikatuz. Aretoko hormak estalita, Maider Lópezek petalo itxura ematen dio aretoko jatorrizko oinplano angeluzuzenari, eta horrela, erdiko kuboa sabai-leihoan sartzen den zutabe makur bihurtzen da.
Lópezen proiektuak Gehryren filosofia islatzen du, alegia, eraikina eskultura gisa ulertu behar dela. Artistaren hitzen arabera, hemen sortu duena
“erakustoki bat da, non nire lana zintzilikatu beharrean, lanak berak bere burua erakusten duen”.