Chacun à son goût

Iruzkinak

Ibon Aranberri, Zerumugak (Horizontes), 2001–2007 (korridoreak)

Ibon Aranberrik gure egunerokotasuneko zati diren egoera eta gai sozialetan oinarritzen du bere lana. Bere oroimen pertsonala, bere jatorria, hazten ikusi duen paisaia eta gaztetako bizipenak bere lanen osagai garrantzitsuak dira. Bere inguru hurbileko gai sozial eta politikoak ere jorratzen ditu, baina inolako hunkiberatasunik gabe, apologiarik edo kritikarik gabe, baizik eta ikuspegi analitikotik, ikerketatik, dokumentaziotik eta hausnarketatik.

Erakusketa honetan Zerumugak aurkezten du. Lan honen lehen bertsioa Donostiako Kursaal Jauregian jarri zen, 2001eko “Elektronikaldia” musika elektronikoaren jaialdia zela eta. Eduardo Chillida-ren ikonografiarekin jokatzen zuen estanpazio-sorta bat zen. Erakusketa honetarako sortutako bigarren bertsiorako, banderatxoak zabaldu eta berrantolatu ditu, eta Museoko hirugarren solairuko korridoreetako sabaitik daude zintzilik, jaietako banderatxoak balira bezala. Chillidak kultur erakundeetarako nahiz erakunde politikoetarako anagrama eta logotipoak diseinatu zituen, orain oroimen kolektiboaren zati bihurtu diren anagrama eta logotipoak direnak, eta horien oinordetza bildu du hemen Aranberrik. Hitz hauek erabilita azaltzen du berak:

“Zerumugak lanak ikuspegi mediatizatu batetik islatzen du Chillidaren oinordetza grafikoa eta eskultorikoa. Mota desberdineko ikono kultural eta politikoak dira, birziklatuak eta aldatuak; jatorrizko trazua galdu dute, eta zeinu abstraktu eta neutralagoetan bihurtu dira. Guztiak batera eta sekuentzia-hurrenkerarik gabe jarriak, elkar nahasten dira, eta, jarraitasun estilistiko batean ikusten diren lerro grafikotan, baso bat osatzen dute”.

Hala ere, Aranberrik esanahi konkretua kentzen die ikono horiei, eta helburu kolektibo bat ematen die; hala, jarriak dauden testuinguruaren arabera, berrinterpretatu egiten dira.