Chacun à son goût
Maider López, 306. aretoa (Sala 306), 2007 (306. aretoa)
Sergio Prego, Diedroen segida (Secuencia de diedros) (Gortina-horma – Atrioa)
Iruzkinak
Clemente Bernad, Jornalariak (Jornaleros), Euskal kronikak (Basque Chronicles), Hilobi irekiak (A tumba abierta), Caracas sailak (307. aretoa)
- Izenburua:
- Clemente Bernad, Jornalariak (Jornaleros), Euskal kronikak (Basque Chronicles), Hilobi irekiak (A tumba abierta), Caracas sailak (307. aretoa)
- Erakusketa:
- Chacun à son goût
- Gaiak:
- Gizakia | Artea eta gizartea | Artea eta politika | Sorkuntza artistikoa
- Artelan motak:
- Argazkia
- Aipatutako artistak:
- Bernad, Clemente
Areto honetan Iruñeko argazkilariaren Jornalariak sailari dagozkion lanak aurkezten dira. Kazetaritzako argazkilaritza gizarteari errealitatea biluzik erakusteko bitarteko bat dela, mezua manipulatu gabe eta gertakariak eraldatu gabe, defendatzen duen argazkilarietako bat da Bernad. Honela azaltzen du berak:
“Funtsean, horregatik egiten ditut argazkiak, beste bizimoduak, beste errealitateak ulertzeko. […] Mundua ulertzen saiatzeko erabiltzen dut argazkia”.
Bernadek berak hautatzen ditu egiten dituen kazetaritzako argazkilaritzako proiektuak eta horietako askok hainbat urte hartu dizkiote.
Areto honetan Bernaden obrako hainbat sailetako irudiak aurkituko dituzu. Jornalariak saila, esate baterako, 1987 eta 1992 urte artean egin zuen eta testigantza-argazkiaren eta sortze-argazkiaren arteko konbinazio bikaina da. Kasu honetan sasoilariak dira gai nagusi, Andaluziako soroetako nekazari ahaztuenak. Euskal kronikak Euskal Herriko gatazka politikoan oinarritzen da, eta begirada behatzailea erabiltzen du, arrazoi edo ondorioak justifikatu edo gaitzetsi gabe, ingurune historiko batean erabat konplexua den gatazka batean sartuak dauden pertsonen bizitzetan sartzen saiatzeko. Bernadek 1987tik 2001 arte egin zuen lan sail horretan.