L'Art en guerre. Frantzia, 1938-1947: Picasso-tik Dubuffet-era
Esparruetan
Frantziako tradizioaren ereduzko maisuak eta margolari gazteak
Atalak
Erbestean, gordelekuetan eta sasian
- Izenburua:
- Erbestean, gordelekuetan eta sasian
- Erakusketa:
- L'Art en guerre. Frantzia, 1938-1947: Picasso-tik Dubuffet-era
- Gaiak:
- Giza harremanak | Artea eta politika | Sorkuntza artistikoa | Materiala | Erbestea | Bigarren Mundu Gerra | Frantzia | Artea eta buruko gaitzak
Bigarren Mundu Gerraren ondorioz, artista asko erbesteratu edo ezkutatu ziren; are gordeleku harrigarrietan, bereziki herrialdearen hegoaldean, hau da, “aske”tzat hartzen zen zonaldean. Erregimen totalitarioetatik ihesi joandako juduek eta atzerritarrek sasira jo behar izan zuten bazterketa-legeak saihesteko. Egoera horren ondorioz, artisten komunitateak eratu ziren Dieulefit, Sanary-sur-Mer eta Grasse herrietan, besteak beste. 2.000 pertsona baino gehiagori Frantziatik ateratzen laguntzen saiatu zen Varian Fry, alegia, Marseillan AEBko Larrialdiko Erreskate Batzordeko burua. Frantzian harrapatuta geratu ziren artistak arrisku bizian zeuden: gordeta eta beti ezkutuan egotera beharturik. Txirotasunean, baliabide berriak asmatu behar izan zituzten bizirik jarraitzeko eta sortu ahal izateko; ezohizko materialak erabilita, gerraren eraginpean zegoen beren egin-moldea berritu zuten.
Saint-Alban-eko ospitale psikiatrikoa ere artisten babesleku izan zen. Erokeria hain zen handia, non ez zen zaila izan munduaren, zoroetxeen eta sorkuntzaren arteko loturak aurkitzea. Sorkuntzak, gertatuak gertatu, bizi-bizirik segitu zuen.