L'Art en guerre. Frantzia, 1938-1947: Picasso-tik Dubuffet-era
L'Art en guerre. Frantzia, 1938-1947: Picasso-tik Dubuffet-era
Surrealistak
Atalak
Gustu ofiziala
- Izenburua:
- Gustu ofiziala
- Erakusketa:
- L'Art en guerre. Frantzia, 1938-1947: Picasso-tik Dubuffet-era
- Gaiak:
- Artea eta historia | Artea eta politika | Sorkuntza artistikoa | Erakusketak | Nazismoa | Zentsura | Frantzia | Paris | Arno Breker | Tradizioa
- Mugimendu artistikoak:
- Arte Abstraktua | Arte Figuratiboa | Surrealismoa
- Aipatutako artistak:
- Braque, Georges | de Waroquier, Henry | Derain, André | Dongen, Kees van | Dufy, Raoul | Gromaire, Marcel | Picasso, Pablo | Villon, Jacques
1942ko abuztuan, Musée National d’Art Moderne Palais de Tokyo-n zabaldu zuten, Pierre Ladoué eta Bernard Dorival zuzendari zirela. Museoaren lehengo kontserbatzaile burua, Bilbon jaiotako Jean Cassou franko-espainiarra, kargutik kendu zuten errepublikazalea izateagatik. Museoaren lehen erakusketan, sorkuntza nazionaleko mende erdiko ekoizpenaren aukeraketa araztua erakutsi zen: ez zen Picassoren eta atzerriko artista surrealista nahiz abstraktuen lanik aurkeztu eta gehienbat kontsentsuzkoa eta erabat frantsesa zen arteari eskaini zioten. Erakusketa hartan, Maillol-en L’Île de France lana bide-erakusle zen, bisitariek Belmondo, Poisson, Osouf edo Chauvel artisten , besteak beste, tradizio eskultorikoa ezagut zezaten. Bestalde, arte independentearen maisu batzuk, hala nola, Derain, Waroquier, Dufy, Villon, Gromaire eta Van Dongen, erabili egin zituzten “harmonia- eta oreka-espiritu frantsesa” aberasteko eta tradizio figuratibo handia luzatzeko.
Parisen urteroko erakusketak egiten ari ziren: horietako batean, 1943ko Udazkeneko erakusketan, hain zuzen, Georges Braque-ri egin zitzaion omenaldia. Garai hartako argazkiak zein dokumentuak, edo Arno Breker-i eskainitako erakusketaren katalogoa —1942an Musée de l’Orangerie-n egindakoa—, Parisen okupazio pean zegoen kultura-jardueraren adibide ditugu, zentsura eta autozentsuraren adibide, hain zuzen ere.