Alex Katz. Hemen eta orain
5 ordu (5 hours)
Iruzkinak
Sarrera
- Izenburua:
- Sarrera
- Erakusketa:
- Alex Katz. Hemen eta orain
- Gaiak:
- Artea eta denbora | Ibilbide artistikoa | Sorkuntza artistikoa | Tamaina | Paisaia | Ingurunea eta natura | Ada Katz
- Mugimendu artistikoak:
- Arte Figuratiboa | Arte Garaikidea
- Aipatutako artistak:
- Katz, Alex
Ongi etorri Guggenheim Bilbao Museora eta Alex Katz. Hemen eta orain, paisaien erakusketa honetara. Gure garaian itzal handia izan duen artistetako bat dugu Katz. Brooklynen jaiotako margolari honek 88 urte bete ditu 2015ean eta ez du, ez, umorerik galdu. Bere buruari galdetzen dio, ea nolatan behar izan duen artearen munduak hainbeste denbora bere lanari erreparatzeko.
Erakusketa honetan bidaia bat egingo dugu Katzen estudiotik azken 25 urteetan atera diren paisaia monumentalak ezagutzeko. Hemen ikusiko ditugu 1980ko hamarkada amaieran hasi eta azken hamarkada hauetara arte egin dituen lanak. Irudi batzuetan artistaren emazte eta musa azaltzen da, Ada, baina gure bidaia hau, batez ere bakartia izango da, “ingurumen edo giro” paisaietan zehar ibiliko gara, figurarik ez duten koadroetan zehar.
Irudiz gero eta beteago dagoen mundu honetan, erakusketa honek aukera ematen du unean arreta jartzeko, uneari bakarrik erreparatzeko eta hala, pertsonen eta gauzen itxurari buruzko alferreko informaziorik gabe, errealitatea nola hautematen dugun hausnartzeko. Ideia hori laburtzen du erakusketaren azpi-izenburuak: “Hemen eta orain”.