Alex Katz. Hemen eta orain

Iruzkinak

Urtarrilaren 3a (January 3), 1993

Beti gozatu izan du Alex Katz-ek erretratuetan, figuretan edo paisaia-lanetan emakume-formak margotzen; horietako bat da hau ere. Hainbat emakume margotu izan ditu, baina Ada emaztea da, zalantzarik gabe, Katzen lanetan iraunkortasun handiena izan duen subjektua. Musa du Ada eta Katzen lanen subjektu izan da 1957an elkar ezagutu zutenetik.

January 3, ez da zehazki triptiko bat, mihise bakar bat da, eta margolan baten barruko margolan gisa deskriba daiteke.

Lanaren erdian Adaren presentzia egote horrek aldatu egiten du ikuslearen ikuspegiaren linealtasun tradizionala; aldatu egiten du, halaber, paisaiaren espazio piktorikoa ere. Eszenan txertatuta dago, baina badirudi paisaiarekiko independentea dela. Kapela more bizia eta ezpainetako gorrimina nabarmendu egiten dira New Yorkeko City Hall Parka erabat hartuta daukaten tonu grisen artean. New Yorken igarotzen ditu Katzek urteko hilabeterik hotzenak.

Adarrak pintzelkada arinez eta indartsuz eginak dira, eta elkarrekin gurutzatzen dira. Zuhaitzen oinetan dagoen elurrak negu bare bat iradokitzen du. Ezkerretara, atzealdean, eguzkia nekez ari da laino itxia zulatzen.