Alex Katz. Hemen eta orain

Iruzkinak

10:30 (10:30 am), 2006

Alex Katz-ek “ingurumen- edo giro-paisaiak” esaten dien horien adibide adierazgarrienetako bat dugu lan hau. Irudiaren helburua ikusleak fisikoki biltzea da haien ikus-eremuaren zati handi bat kenduta. Ez du irudi honek errealitatearen berri emateko asmorik, ez baitago zerumugaren lerrorik edo beste aztarna espazialik ere. Katzek, margolan batena jasotako irudia deskribatzeko esan du margolaneko irudia enfokatu baino lehenagoko leherketa bat dela, oraina.

Basoaren irudi honek Katzek iraganean izandako eragin artistiko ugariak ekartzen ditu gogora; tartean Paul Cézanne eta Jackson Pollock. Urki-enborren bertikaltasunak orekatu egiten ditu formen eredu irregularra eta berde-tonu ezberdinak. Konposizio geometriko bat da eta Cézanneren XX. mende hasierako kubismo aurreko paisaiak gogorarazten ditu. Artista frantziar handiak bezala, Katzek ere forma geometriko sinpleen errepikatzeak erabiltzen ditu errealitatea, zehazki natura, adierazteko.

Katzen all-over edo azalera osoa berdin hartzen duen estilo horrek, ordea,  Espresionismo Abstraktuko Jackson Pollocken lana du oinarri. Katzek ez du bere burua artista abstraktutzat, baina bere estiloaz, dio, “abstrakzioan dituela erroak”. Gainera, Katzen lanean aditu direnek uste dute gisa honetako basoak erakargarriak zaizkiola, hain zuzen ere, duten abstrakzioagatik: artea imitatzen duen natura imitatzen duen artea balira bezala ikusten dituela.