Bilbo eta pintura
Adolfo GUIARD, Ehiztariak Iparraldeko geltokian (Cazadores en la Estación del Norte), 1887
Julián TELLAECHE, Itsasontziak portuan (Barcos en el puerto), ca. 1925
Iruzkinak
Aurelio ARTETA, Arratiako Eva (Eva arratiana), 1913
- Izenburua:
- Aurelio ARTETA, Arratiako Eva (Eva arratiana), 1913
- Erakusketa:
- Bilbo eta pintura
- Gaiak:
- Artea eta gizartea | Artea eta paisaia | Eragin artistikoa | Sorkuntza artistikoa | Argia | Kolorea | Konposizioa | Sinbologia | Landa-eszenak | Bilboko Arte Ederren Museoa | Europa | Bilbo | Bizkaia
- Mugimendu artistikoak:
- Arte Garaikidea
- Teknikak:
- Olio-pintura
- Artelan motak:
- Pintura
- Aipatutako artistak:
- Arteta Errasti, Aurelio
Aurelio Arteta Bilbon jaio zen 1879an, familia xume batean. Lehenik, Bizkaiko hiriburuan ikasi zuen, gero Madrilen eta, ondoren, Parisera joan zen, Bizkaiko Foru Aldundiaren diru-laguntza batekin. Belgikan eta Italian barrena bidaiatu ondoren, jaioterrira itzuli zen 1906. urtearen amaieran. Artetak modu aktiboan parte hartu zuen Bilboko bizitza kulturalean; hala, 1911n, Bilboko Euskal Artisten Elkartearen bazkide sortzaileetako bat izan zen, eta elkartearen bitartez estatuko zenbait talde-erakusketatan parte hartu zuen. Ondoren, Arte Modernoaren Museoko zuzendari izan zen.
Arratiako Eva Sociedad Bilbaina elkarteak eskatutako tamaina handiko mihisea da. Adolfo Guiardek apaindu zituen elkarteko aretoak XIX. mendearen amaieran. Artetaren margolanak Bizkaiko landa-inguruneko uzta-garaiko eszena bat irudikatzen du. Konposizioa plano ezberdinez osatuta dago; hiru pertsonaia daude lehen planoan, argi kontra, idiak ageri dira erdiko planoan, eta azken pertsonaia bat atzealdean. Eva baserritarra da, eguzkiak argitutako atzeko paisaiarekin batera, eszenaren protagonista: lehen planoan dago, albo batera, ondoko gizonari sagar bat eskaintzen. Egile batzuen ustez, Artetaren pintura Bizkaiko landa-inguruneko ikuspegi bukoliko bat da. Badirudi Artetak baserritarrek naturarekin duten idilio harmoniaduna bildu nahi zuela Evaren keinuan. Konposizioa Paradisuaren bertsiotzat har daiteke, hiritik hurbil egonik hiriburu industriala elikagaiz hornitzen duten herrixkekin lotua. Eva arratiarrak marraztu eta denbora gutxira, Artetak bere lanari beste norabide bat eman zion eta joera sozialagoko pintura lantzeari ekin zion.
