Serra/Seurat. Marrazkiak
Georges Seurat: Udako igandea Grand Jatte uhartean lanerako estudioa: gona baten xehetasuna (Étude pour Un dimanche d’été sur l’île de la Grande Jatte: detail de jupe), 1884–85
Georges Seurat: Bi pailazo edo Pailazoa eta hiru pertsonaia (Deux Clowns ou Clown et trois personnages), 1886–88
Iruzkinak
Georges Seurat: Emakumea bizkarrez, makurtuta (Femme de dos, penchée), ca. 1885
- Izenburua:
- Georges Seurat: Emakumea bizkarrez, makurtuta (Femme de dos, penchée), ca. 1885
- Erakusketa:
- Serra/Seurat. Marrazkiak
- Gaiak:
- Emakumea artean | Giza gorputza | Eragin artistikoa | Sorkuntza artistikoa | Argia | Iluntasuna | Konposizioa | Lan-prozesua | Oreka | Simetria | Marrazkigintza | Frantzia | Emozioa
- Mugimendu artistikoak:
- Neoinpresionismoa
- Teknikak:
- Conté arkatza
- Aipatutako artistak:
- Seurat, Georges
Gustave Kahn idazleak Seurati buruz esan zuen bezala: “Honela marraztuz, gauzen bihotzera iristen da, edertasuna eta adierazpena duintzen dira, dardara egiten da errealitatearen botereak eragiten duen emozio itogarriaren aurrean, ia erabateko elkartasuna sentitzen da bizitzaren sentimendu sakonarekin”.
Itxuraz soila dirudi bizkarrez ageri den emakume baten marrazki honek; argi-ilunez egindako irudiak, ordea, ondo kalkulaturiko konposizio bat ezkutatzen du. Mokorretan, bizkarrean eta berokiaren bolumenean nabari diren gris-eskalen bidez, marrazkiak sakonera hartzen du. Badirudi barandak markoztatu egiten duela irudia, eta, simetria eta oreka areagotzeko, Seuratek landareak diruditen bi elementu ipini zituen alde banatan, marrazkian nagusi den egitura triangeluarra sendotuz. Emakumeak bizkarrez duen indar asaldakaitzak eta irudiak atzealde argiztatuaren gainean hartzen duen tridimentsionaltasunak barneratu egiten gaitu gurutzatzear dagoen atalasean.
Seuraten marrazkietan, gorputzek forma abstraktuak dirudite askotan eta, horren ondorioz, kritikari batzuek abstrakzioaren aitzindaritzat hartu izan dute. Hori hala izanik ere, ez da ahaztu behar artistak errealitatearekin zuen lotura sakona, ezta errealitateak pizten zizkion emozioak transmititzeko nahia ere. Ukigarria de ororekiko zuen interesak agerian uzten du Seuratek bere garaiko imajinarioarekin eta mugimendu errealistaren espirituarekin zuen konpromisoa.