Serra/Seurat. Marrazkiak
Serra. Ibilbideak (Ramble Drawings) [1]
Iruzkinak
Sarrera
- Izenburua:
- Sarrera
- Erakusketa:
- Serra/Seurat. Marrazkiak
- Gaiak:
- Artearen historia | Eragin artistikoa | Ibilbide artistikoa | Esperimentazio artistikoa | Sorkuntza artistikoa | Argia | Iluntasuna | Forma | Kolorea | Konposizioa | Marrazkigintza | Ellsworth Kelly | Henry Moore | Pablo Picasso | Teknika eta materialak
- Mugimendu artistikoak:
- Arte Garaikidea | Neoinpresionismoa
- Teknikak:
- Arkatz | Conté arkatza | Dibisionismoa | Michallet papera
- Artelan motak:
- Pintura
- Aipatutako artistak:
- Serra, Richard | Seurat, Georges
Erakustaldi honek agerian jartzen du zer-nolako garrantzia duen marrazkiak Richard Serra eta Georges Seurat artisten lanean. Azken hori miresmen-iturri izan da beste artista askorentzat, tartean Serra berarentzat, eta diziplina horretako maisutzat hartu izan da. Seuraten marrazkiei itzal egiten die sarritan bere margolanen ospeak. Alabaina, kritikak, artearen historiak eta Serraren moduko beste hainbat artistak nabarmendu dute marrazkigintza izan dela Seuraten sorkuntzaren ondare bikainena. Ildo horretan, bereziki azpimarratu izan dute margolari frantziarrak zeinen modu berritzailean baliatu zuen marrazketa-teknika eta nola arakatu zituen Michallet paperak eta Conté arkatzak eskaintzen zituzten aukerak.
Margolaritza-estilo puntillistaren asmatzailea izateagatik da gogoratua Seurat. Hala ere, garatu zuen marrazki-motaren bidez, irudikapenetik haratago aztertzen zituen bizitza modernoko gaiak. Bere marrazki ilun eta misteriotsuetan, Seuratek esperimentatu egiten zuen beltzaren kontraste eta tonalitateekin, formekin, itzalekin eta espazioen argiarekin zein konposizioarekin. Haren marrazkiek bere inguruko artista asko liluratu zituzten, baina baita geroagoko beste batzuk ere, hala nola Pablo Picasso, Henry Moore edo Ellsworth Kelly.
Erakusketa honetan, Serraren eta Seuraten marrazki-lanen arteko loturak jartzen dira ikusgai; esate baterako, beltza kolore gisa ulertzeko modua.