Joan Miró. Errealitate absolutua. Paris, 1920–1945
Iparra-Hegoa (Nord-Sud), 1917
Olio-pintura eta eskuz idatzitako inskripzioa mihise gainean, 62 × 70 cm
Collection Adrien Maeght, Saint-Paul de Vence
L’Instant aldizkariaren kartelerako proiektua, 1919
Olio-pintura eta testu idatzia kartoi gainean, 107 × 76 cm
IVAM, Institut Valenciá d’Art Modern, Generalitat de València
Iruzkinak
Sarrera
- Izenburua:
- Sarrera
- Erakusketa:
- Joan Miró. Errealitate absolutua. Paris, 1920–1945
- Gaiak:
- Artearen historia | Eragin artistikoa | Ibilbide artistikoa | Esperimentazio artistikoa | Sorkuntza artistikoa | Erakusketak | Bigarren Mundu Gerra | Paris | Katalunia | Bartzelona | Poesia
- Mugimendu artistikoak:
- Dadaismoa | Espresionismo Abstraktua | Surrealismoa
- Aipatutako artistak:
- Miró, Joan
Ongi etorri Joan Miró. Errealitate absolutua. Paris, 1920–1945 erakusketara. Esposizio hau egile katalanari eta Parisen bizi izaniko urteetan sortu zituen lanei eskainia da. Miró XX. mendeko artista handienetakotzat jotzen da, eta bizitza luzea eta ibilbide oparoa izan zituen. Haren obra eta ohar-koadernoak errotik aztertu izan dira, eta horrek Miróren produkzioaren gaineko ikerketa eta interpretazio berriak sortzen lagundu du.
Monet-en inpresionismo berantiarraren eta Jackson Pollock-en tantakako pintura-lanen arteko loturatzat har daitezke Miróren lanak, eta Miró bera, berriz, Amerikako Estatu Batuetako espresionismo abstraktuaren aitzindaritzat.
Mirók poesia mistikoa eta zen poesia miresten zituen: kontzientziaren maila gorenak arakatzea atsegin zuen ameslaria zen, zentzu espiritualean bederen. Haren obra dadaismoarekin zein surrealismoarekin dago loturik. Izan ere, Mirók adiskide izan zituen bi mugimenduotako figura erabakigarriak —esaterako Tristan Tzara eta André Breton—, eta horrek eragin handia izan zuen haren lanean.
Hil eta berrogei urtera, Joan Mirók sortzaile liluragarria izaten jarraitzen du. Nazioarteko museo handiek bildu dute Miróren obra; dela atzera begirakoekin, haren produkziorik garrantzitsuena erakutsiz, dela erakusketa monografikoekin, obraren alderdi bereziei erreparatuz.
Hurrengo ataletan ikusiko dugun aldia Joan Mirók Parisera egin zuen lehen bisitarekin hasten da, eta amaitu, berriz, berrogeiko hamarkadaren erdialdean amaitzen da, artista Mallorcara bizitzera joan zenean, Alemaniak Frantzia inbaditu ondotik ihesi. Miróren ikertzeko grina hainbat pintura-sailetan ageri da, eta estilo-aldaketa ugari ikusten dira horietan. Aldeak nabari dira, batetik, izaera erreflexiboa eta analitikoa duten obra erabat dotoreen eta, bestetik, adierazgarriagoak (ia grotesko izateraino) diren obren artean.
Bestalde, Joan Miróri eskainitako In Focus gune didaktikoan Trazos telebista-programaren pasarte batzuk daude ikusgai; haietan, 1978an Paloma Chamorro kazetariak artistari bere ibilbide profesionalaren inguruan eginiko elkarrizketa ikus daiteke. Proiekzioarekin batera, kronologia batean bilduta ageri dira Miróren ibilbideko ekitaldi nabarmenenak.