Joan Miró. Errealitate absolutua. Paris, 1920–1945
Txoriaren hegaldia lautada gainetik III (Le Vol de l’oiseau sur la plaine III), 1939
Olio-pintura arpillera gainean
89 × 116 cm
Solomon R. Guggenheim Museum, New York. Dohaintza: Evelyn Sharp, 1977
Emakumea gauean (Femme dans la nuit), 1945
Olio-pintura mihise gainean
130 × 195 cm
Eskaintza: The David & Ezra Nahmad Collection
Iruzkinak
Ihesaren eskailerarantz (Vers l’échelle de l’évasion), 1942ko abenduaren 31Ikatz-ziria paper gainean69 × 51 cm Colección Abelló
- Izenburua:
- Ihesaren eskailerarantz (Vers l’échelle de l’évasion), 1942ko abenduaren 31Ikatz-ziria paper gainean69 × 51 cm Colección Abelló
- Erakusketa:
- Joan Miró. Errealitate absolutua. Paris, 1920–1945
- Gaiak:
- Artistak | Eragin artistikoa | Ibilbide artistikoa | Esperimentazio artistikoa | Sorkuntza artistikoa | Irudikapena | Marrazkigintza | Bizitza | Bigarren Mundu Gerra | Palma Mallorcakoa | Bartzelona | Teknika eta materialak
- Mugimendu artistikoak:
- Surrealismoa
- Teknikak:
- Ikatz-ziria
- Artelan motak:
- Pintura
- Aipatutako artistak:
- Miró, Joan
23 margolanez osatutako Konstelazioak saila amaitu ondoren, Joan Mirók ikatz-ziriz egindako marrazki hau sortu zuen, Ihesaren eskailerarantz izenekoa: Palma Mallorcakoan zein Bartzelonan egindako esplorazio eta esperimentazio lanen sekuentzia berri batekoa da obra hau. Garai hartan, azken bi urteetako estutasunak eta atsekabeak atzean uzteko itxaropena zuen Mirók; izan ere, urte haietan etxekoak eta bera bizileku seguru baten bila hasiak ziren iluntasunean eta etsipenean murgildutako Europa batean.
1941eko azaroan, Miró Palma Mallorcakora joan zen, ama-aitaginarrebak bizi ziren lekura, eta, handik aste gutxira, paper gaineko beste obra-sorta bati ekin zion. Artistaren beraren hitzetan: “Komenigarritzat jo nuen Palma Mallorcakoan denboraldi bat igarotzea; lanean ematen dut ia denbora guztia, ez dut ikusten ia inor ere, eta horrela lortzen dut ihes egitea, mundu zabaleko tragedia lazgarrian murgildu gabe”.
Orduan, artistak ez zuen olio-pinturaz margotzen mihise gainean, eta hurrengo urteetan ere ez zuen erregulartasunez egin, deskubritu baitzuen paper gaineko lanak hobeto egokitzen zirela bere bizimodu nomada berrira. Gainera, Konstelazioak saileko ikuspenek iruditegi oparoa eskaini zioten Miróri, baita teknika-sorta mardula ere. Artistak hausnartu beharra zeukan teknika horiei buruz, erabiltzen jarraitzeko eta errepikapen mekanikoa saihesteko.