Joan Miró. Errealitate absolutua. Paris, 1920–1945
Paisaia (Erbia) [Paysage (Le Lièvre)], 1927ko udazkena
Olio-pintura mihise gainean
129,6 × 194,6 cm
Solomon R. Guggenheim Museum, New York
Paisaia (Oilardun paisaia) [Paysage (Paysage au coq)], 1927
Olio-pintura mihise gainean
131 × 196,5 cm
Fondation Beyeler, Riehen/Basel, Sammlung Beyeler
Pintura (Pertsonaia: Fratellini anaiak) [Peinture (Personnage: Les Frères Fratellini)], 1927
Olio-pintura mihise gainean
130 × 97,5 cm
Fondation Beyeler, Riehen/Basel, Sammlung Beyeler
Iruzkinak
Pintura (Izarra) [Peinture (L’Étoile)], 1927Olio-pintura arpillera gainean65 × 81,1 cmEskaintza: The David & Ezra Nahmad Collection
- Izenburua:
- Pintura (Izarra) [Peinture (L’Étoile)], 1927Olio-pintura arpillera gainean65 × 81,1 cmEskaintza: The David & Ezra Nahmad Collection
- Erakusketa:
- Joan Miró. Errealitate absolutua. Paris, 1920–1945
- Gaiak:
- Artearen historia | Eragin artistikoa | Ibilbide artistikoa | Sorkuntza artistikoa | Kolorea | Konposizioa | Sinbologia | Espiritualtasuna | Ingurunea eta natura | Haluzinazioak | Zerua
- Mugimendu artistikoak:
- Surrealismoa
- Teknikak:
- Olio-pintura
- Artelan motak:
- Pintura (olio-pintura)
- Aipatutako artistak:
- Miró, Joan
Pintura (Izarra) 1927ko udan egina da. Hamasei mihisez osaturiko multzo bateko parte da, eta guztiek ere zinkezko olio-pintura zurizko hondoa dute. Zeharo sinpleak diren konposizio horietan, astro eta animalien lerro eta forma estilizatu ezaguterrazak ageri dira hondo monokromoen gainean.
Pieza horiekin, artistak askatu egin zuen bere artea Mendebaldeko pintura-tradizioan errepresentazioari dagozkion konbentzioetatik, errealitatearekiko antzekotasuna bilatu behar izatetik. Izan ere, lan horien sinpletasunak hunkitu egin zituen hogeiko hamarkadako ikusleak, eta, ia mende bat geroago, Miróren produkzio osoko pinturarik erradikalenen artean jarraitzen dute. 1920ko hamarkadaren hasieran egin zituen konposizio trinkoetan bildu zuen eguneroko bizitzatik ateratako pertsonaien eta objektuen inbentariotik urrunduz, artistak estetika sinplifikatuari ipini zion arreta, eta irudimenaren barren-barrenetik irteten zitzaizkion formak eta espazioak sortu zituen. Margolan horiek asmatzeko bide eman zioten estimulu ugari izan zituen, besteak beste, poesia sinbolista eta surrealista, Paul Kleeren koadroak eta, Miróren beraren arabera, goseak eragindako haluzinazioak.
Horri buruz, hauxe esan zuen artistak: “Aurrez pentsatu gabe pintatu nuen, amets baten eraginpean banengo bezala [...] Errealitatea eta misterioa uztartu nituen, askatzea lortu zuen espazio batean”.
Hondo zuriko obrek —aurrean dugun lan honek barne— markatzen dute pintura onirikoen azken etapa, eta iluntasunetik argiranzko itzulera sinboliko eta mailakatua irudikatzen dute: adimenaren eta espirituaren mundu intimoenetik zentzumenen unibertsorako bidaia, jakinik espiritu horretatik bertatik abiatu zela artista.
Konposizioak, funtsean, hiru elementu baino ez ditu: hondo zuria, giza oin bat eta izar bat. Koadroak gizakiaren eta mundu idealaren lotura misteriotsua adierazten du, zeruaren eta lurraren artekoa. Zeruko sinboloen presentziak —izarrarenak, kasu— garrantzi berezia izan zuen Miróren produkzioan, haren aita astronomo afizionatua baitzen, eta artistak berak ere gozatu egiten zuen izarrei begira. Hori dela eta, koadro askotan agertu ziren motibo horiek, hainbat urte geroago.