Joan Miró. Errealitate absolutua. Paris, 1920–1945
Pintura (Pertsonaia: Fratellini anaiak) [Peinture (Personnage: Les Frères Fratellini)], 1927
Olio-pintura mihise gainean
130 × 97,5 cm
Fondation Beyeler, Riehen/Basel, Sammlung Beyeler
Pintura-poema (Izar batek emakume beltz baten bularra laztantzen du) [(Peinture-poème) Une étoile caresse le sein d’une négresse], 1938
Olio-pintura mihise gainean
129,5 × 194,3 cm
Tate. 1983an eskuratua
Iruzkinak
Fornarina (Rafaelen arabera) [La Fornarina (D’après Raphaël)], Paris, 1929ko udaberri–uda
Olio-pintura mihise gainean146 × 114 cmColeção de Arte Contemporânea do Estado, em depósito na Fundação de Serralves - Museu de Arte Contemporânea, Porto
- Izenburua:
- Fornarina (Rafaelen arabera) [La Fornarina (D’après Raphaël)], Paris, 1929ko udaberri–uda
Olio-pintura mihise gainean146 × 114 cmColeção de Arte Contemporânea do Estado, em depósito na Fundação de Serralves - Museu de Arte Contemporânea, Porto - Erakusketa:
- Joan Miró. Errealitate absolutua. Paris, 1920–1945
- Gaiak:
- Emakumea artean | Giza gorputza | Eragin artistikoa | Ibilbide artistikoa | Esperimentazio artistikoa | Sorkuntza artistikoa | Irudikapena | Kolorea | Erretratua eta autorretratua | Pablo Picasso | Rafael
- Mugimendu artistikoak:
- Surrealismoa
- Teknikak:
- Olio-pintura
- Artelan motak:
- Pintura (olio-pintura)
- Aipatutako artistak:
- Miró, Joan
Mirók giza irudia hartu zuen abiapuntu bere eraldaketak egiteko eta zeinu-lengoaia bisual bat garatzeko. Ikusita Picassok nolako deformazioa eragiten zien figurei, agian Mirók pertsonaien unibertso baliokide bat sortzea zuen helburu; behatutako errealitatearen eta artistaren irudimenaren arteko tokiren batean dauden pertsonaien unibertso bat. 1929an, Mirók metamorfosia hartu zuen bere artearen gaitzat “irudizko erretratuak” izeneko lau lanez osaturiko multzo batean; aurrez aurre daukaguna da lauretan handiena. Fornarina Rafaelek sinatutako izen bereko pintura baten erreprodukzioan oinarritzen da, posta-txartel formatuan egina. Margolan honetan, Mirók ezkutatu egin zituen Rafaelen modeloaren sorbalda biluzien inguru zabal eta biribilak, bai eta soinean daraman jantziaren bularraldeko V forma ere. Gainera, litekeena da Miróren irudiaren goiko aldean ageri den forma zurian dagoen orban iluna Rafaelen Fornarinak ilean daraman perlatik etortzea, nahiz eta kolore desberdinekoa izan.
Mirók pixkanaka sinplifikatu zuen Rafaelek margotutako irudi trinkoa: sinplifikatu egin zuen Fornarinaren gorputza, harik eta masa beltz handi bat utzi arte, eta forma mardul soiletara murriztu zizkion burua eta bularra. Nabarmen puzturik ageri da turbantearen silueta, zeinaren mutur korapilatuek adar-tankera hartzen baitute; begiak, berriz, arrain-forma du. Rafaelen erretratuan ikusten diren xehetasun sotilak, ostera —hostoen artetik ikusten diren zeru-zatiak, esaterako—, zipriztin gorri bihurtzen dira hemen irudiaren eskuinaldean kokaturik. Antzekotasunean oinarritutako erretratuaren nozio tradizionala irauliz, Mirók errepresentazioaren mugak arakatu eta zabaldu zituen hemen.