Ruth Asawa: Atzerabegirakoa
“Nire eskulturaren hiztegia”
Natura, alanbre lotua eta eskultura berantiarra, 1960tik 1990era bitarteko hamarkadak
Iruzkinak
Tamarind grabatuak, 1965
- Izenburua:
- Tamarind grabatuak, 1965
- Erakusketa:
- Ruth Asawa: Atzerabegirakoa
- Gaiak:
- Artisautza | Eragin artistikoa | Ibilbide artistikoa | Esperimentazio artistikoa | Sorkuntza artistikoa | Kolorea | Konposizioa | Lan-prozesua | AEB | Kalifornia | Josef Albers | Teknika eta materialak
- Mugimendu artistikoak:
- Arte Abstraktua
- Teknikak:
- Litografia
- Artelan motak:
- Litografia
- Aipatutako artistak:
- Asawa, Ruth
1965ean, Asawak bi hilabete eman zituen Los Angelesko Tamarind Lithography Workshop litografia-tailerrean. Sorkuntza-espazio hori erabakigarria izan zen AEBko litografia artistikoa suspertzeko prozesuan.
Black Mountain Collegen Asawaren irakasle izaniko Josef Albers aritua zen aurretik tailer horretan, eta hark gomendatuta hartu zuten Asawa egonaldi bat egiteko.
54 grabatu egin zituen Tamarinden eman zuen denboran. Haietan, bere familiako kideak, loreak, platano-arbolak, aulkiak eta forma abstraktuak irudikatu zituen. Horietako batzuk ikusgai daude atal honetan.
Mitxoleta (TAM.1479) [Poppy (TAM.1479)], 1965
Litografia harri baten edo metalezko xafla baten gainean irudi bat egitea da, olio-arkatzak, argizariak edo tinta likidoa baliatuta. Zenbait prozesu kimikoren ondotik, irudia finkatu eta, prentsa batetik igarota, paperezko orri batera transferitzen da. Kolore bakoitzak bere harria edo plantxa behar du, eta banan-banan pasa behar da prentsatik.
Asawak ahal bezainbeste aprobetxatu zuen Tamarindeko lankidetza-prozesua, eta orpoz orpo lan egin zuen inprimatzaile maisuekin irudiak finkatzeko, harriak tindatzeko eta obrak estanpatzeko. Efektu-sorta zabala lortu zuen pieza haietan.
Garai horretako lanik ezagunenetako bat 1965eko Mitxoleta da: Kalifornia estatuko lore ofizialaren formatu handiko irudi bat.
Estanpa horretan, geruzaz geruza eraikita dago kolorea: lehenik horia erdian, gero petalo gorriak eta, azkenik, gouache berde urdinxka ilun bat.
Beheko aldean, behar baino lehen gelditzen da tinta; hala, zurtoina espazio negatiboan uzten du, eta petaloei, berriz, ertz leun eta argitsua ematen die.