Ruth Asawa: Atzerabegirakoa
“Bizitzak berak marrazten du”: Lorategitik, 1980tik 2000ra bitarteko hamarkadak
Noe Valley, 1960tik 2000ra bitarteko hamarkadak
Iruzkinak
Atrioa: Titulurik gabea (S.250, Lehenengo, bosgarren eta seigarren lobuluetan esferak dituen formaren baitako forma jarraitu, eseki, elkarlotu, zazpi lobuluduna) [Untitled (S.250, Hanging Seven-Lobed Continuous Interlocking Form with Spheres in the First, Fifth, and Sixth Lobes)], ca. 1955
- Izenburua:
- Atrioa: Titulurik gabea (S.250, Lehenengo, bosgarren eta seigarren lobuluetan esferak dituen formaren baitako forma jarraitu, eseki, elkarlotu, zazpi lobuluduna) [Untitled (S.250, Hanging Seven-Lobed Continuous Interlocking Form with Spheres in the First, Fifth, and Sixth Lobes)], ca. 1955
- Erakusketa:
- Ruth Asawa: Atzerabegirakoa
- Gaiak:
- Eragin artistikoa | Ibilbide artistikoa | Esperimentazio artistikoa | Sorkuntza artistikoa | Argia | Bolumena | Forma | Konposizioa | Lan-prozesua | Erakusketak | Guggenheim Bilbao Museoa | Teknika eta materialak
- Mugimendu artistikoak:
- Arte Abstraktua
- Artelan motak:
- Eskultura
- Aipatutako artistak:
- Asawa, Ruth
Museoko atrioa zeharkatzean, erakusketa-aretoetara sartu aurretik, Asawaren eskultura esekien multzo bat aurkituko dugu.
1951 eta 1962 artean eginiko lanok artistaren produkzioaren aro goiztiar bat islatzen dute; fase horretan, ideia gisa landu zuen “formaren baitako forma jarraitua”, eta, aldi berean, gardentasuna, errepikapena, bolumena, itzala, espazioa eta beste zenbait gai aztertu zituen.
Pieza horien artean ageri da 1955 inguruan eginiko Titulurik gabea (S.250, Lehenengo, bosgarren eta seigarren lobuluetan esferak dituen formaren baitako forma jarraitu, eseki, elkarlotu, zazpi lobuluduna).
Alanbre kiribilduz eginiko eskultura honek hiru metrotik gorako garaiera du, eta São Pauloko hirugarren Bienalerako aukeratu zuten 1955ean. Esfera delikatuak ageri ditu elkarri lotutako lobuluen barruan.
Bi metalek osatzen dute, burdinak eta altzairu galbanizatuak, eta bien arteko kontrasteak sakontasuna ematen dio obrari; argia eta itzala geruzaz geruza mugitzen dira gainazalean, eta Asawaren lanak aldi horretan izaniko konplexutasun gero eta handiagoa islatzen du.