Van Goghetik Picassora. Thannhauser legatua
Katalintzarra, kopa eta pitxerra, Paul Cézanne
Haere Mai, Paul Gauguin
Iruzkinak
Bibémus, Paul Cézanne
- Izenburua:
- Bibémus, Paul Cézanne
- Erakusketa:
- Van Goghetik Picassora. Thannhauser legatua
- Gaiak:
- Lan-prozesua | Natura
- Mugimendu artistikoak:
- Inpresionismoa
- Teknikak:
- Olio-pintura
- Artelan motak:
- Pintura
- Aipatutako artistak:
- Cézanne, Paul
Frantziako hegoaldeko antzinako harrobi erromatar baten ikuspegi hau Cézanneren gai kuttunenetakoa zen. Bertan aurkitu zuen paisaia malkartsu eta kolore bizikoa, naturaren irudikatze berezkoari pisu eta bolumen eskulturalak emateko artistak zuen joerarekin ederki egokitzen zena.
Margolan honetatik izugarri gustukoa dudana zera da, benetan ikus dezakegula nola ari den lanean Cézanneren pintzela. Mihisean zehar sentitu dezakegu pintzela mugitzen, pintzelkada oso argi eta erritmikoekin. Antzeman dezakegu, baita ere, mihisearen gainean hedatutako pintura geruza zeinen mehea den; izan ere, ongi erreparatuz gero, azpitik ikusten dira zirriborro eta oihalaren zati biluziak, artistak nahita utzi zituenak bukatu gabe. Ondorioz, margolanari begiratuta, batek galdetzen ahal dio bere buruari ea amaitu gabeko lan baten aurrean ote dagoen. Baina funtsean, artista egiten ari dena zera da, hondoa —kasu honetan, mihisearen azalera— margolaritzaren tresna bihurtzea.
Tradizionalki, artistek, paisaia margotzen zutenean, ahalik eta erarik egiantzekoenean egiten saiatzen ziren, baina hemen Cézannek ikusleari eskatzen dio adimena erabiltzeko, pintzelkadak eta mihise zati zuriak ikusleak berak nahas ditzan, landazabal frantsesa eguzki betean irudikatzen duen lan eder hau sortzeko.