Van Goghetik Picassora. Thannhauser legatua
Bibémus, Paul Cézanne
Ispiluaren aurrean, Édouard Manet
Iruzkinak
Haere Mai, Paul Gauguin
- Izenburua:
- Haere Mai, Paul Gauguin
- Erakusketa:
- Van Goghetik Picassora. Thannhauser legatua
- Gaiak:
- Kolorea | Paisaia
- Mugimendu artistikoak:
- Fauvismoa
- Teknikak:
- Olio-pintura
- Artelan motak:
- Pintura
- Aipatutako artistak:
- Gauguin, Paul
1891n Paul Gauguin artista frantziarrak Tahitin hartu zuen bizilekua, eta han margotu zuen ametsezko paisaia hau.
Lehen begiratuan paisaia oso tradizionala dirudi. Etxeak frantziar landazabalean egon zitezkeen, beharbada Tahitin baino gehiago. Lehen planoan ikusten diren zerriek gogora ekartzen dituzte Gauguinek Bretainian bizi zenean eta paisaia frantziarrak margotzen zituenean irudikatzen zituenak. Landareria desberdina da, ordea. Kolore-sorta aldatu da. Zerua arrosa da, eta mendia, berriz, laranja eta arrosa nahasketa ezin ederrago batez egina.
Tahitin, bertakoak bezala bizi nahi zuela esan zuen Gauguinek, eta mundua ume batek egingo lukeen moduan irudikatu nahi zuela. Haren margolanak gero eta sinpleagoak eta abstraktuagoak bihurtzen joan ziren. Izan ere, hemeretzigarren mendearen amaieran, artista, idazle nahiz filosofo askok primitibismo delakoa zuten gogoko, gaurko egunean guretzat europear inperialismotik bereizi ezin den kontzeptua. Urrunago joan gabe, Tahiti bera frantziar kolonia zen.
Gauguinek bizimodu apalagoa bilatzen zuen, eta margotzeko era tolesgabeagoa. Haren ondotik etorri ziren artistak, 1910eko hamarkadako abangoardistak, haren lana eta oso modu sinplean margotu daitekeelako ideia hori izan zuten inspirazio iturri.