Ernesto Neto. Naraman gorputza
Sarrera
Bizitza gorputz bat da: haren zati gara (A vida é um corpo do qual fazemos parte)
Iruzkinak
Atrioa
- Izenburua:
- Atrioa
- Erakusketa:
- Ernesto Neto. Naraman gorputza
- Gaiak:
- Giza gorputza | Artea eta gizartea | Artea eta pertzepzioa | Sorkuntza artistikoa | Kolorea | Materiala | Sinbologia
- Artelan motak:
- Eskultura
- Aipatutako artistak:
- Neto, Ernesto
Museoaren Atrioan zaude. Goitik zintzilika Ernesto Neto-ren Erori egiten den gorputza [Le corps] emea (Leviatan Thot lanetik) [O corpo que cai (Le corps) fêmea (de Léviathan Thot)] eskultura erraldoia dago.
1990eko hamarkadaren erdialdean, artistak hasierako lanetan erabilitako hizkera geometrikoa atzean utzi eta poliamidazko piezak askotariko materialekin betetzen hasi zen; esaterako, poliestireno-aparrezko bolez, irinez eta espeziaz. Giza gorputza edo beste organismo bizi batzuk gogoraraziko zituzten formak sortu nahi zituen.
Bolumen zuria, handi-handia, sabaitik zintzilik dago, ikuslearen gainean eta badirudi arnasa hartzera doala. Haren gorputz-adarrak, luze eta leun, astun erortzen dira, Lurrera lotzen gaituen grabitatearen indarra gogora ekarriz. Eskultura malgua da, sentsuala eta iragankorra, gure gorputzak bezala.
Izenburuak pieza interpretatzeko harago joateko aukera ematen digu. Leviatan piztia mitiko izugarri bat da. Netorentzat, piztia hori gizarte-multzoa da, eta gizarte horiek guztiek gorputz moduko bat osatzen dute. Netoren hitzetan “izaki arraro bat da, badirudi ez dagoela inon, ikusezina da, ukiezina, gordina; ez du ez pisurik, ez bizirik... Eta hala ere, toki guztietan dago”.
Ordu jakin batzuetan, asteartetik igandera, espazio honetan orgatxo-hamaka batzuk ikusiko dituzu eta aukera izango duzu horietako batean etzan eta oinei eraginez, batetik bestera joateko. Obra hau beste ikuspegi batzuetatik ikusi nahi baduzu, ibilgailu hauetako batean etzanda, alegia, jo Museoko hezitzaileengana eta obrari eta artistari buruzko informazio gehiago ere emango dizute.