Ernesto Neto. Naraman gorputza

Iruzkinak

Ertz gozoa (Borda doce)

Egunero, areto honen erdialdeko kandela bat pizten da. Denak urtzean, hondarrek marrazki bat osatuko dute. Prozesu hori abian izango da erakusketa amaitu arte. Horren zati baten lekuko izango zara erakusketa ikustera etortzen zaren bakoitzean.

Nahi izanez gero, jarri eserita kandelen inguruko aulkietako batean. Hortik ikusi ahal izango duzu inguruan duzun eskulturen baso birtuala. Basoaren sakontasunean, kolore berdearen askotariko tonuak dauden horretan, ertzak ia nahasi egiten dira zuhaitzen adaburuetatik sartzen diren argi-itzalen leherketaren eraginez. Artistak bere basoa “eraiki” du argiari pasatzen uzten dion nylonezko horizonte batez. Toki batzuetan, nylonari beherantz bultzatzen dio barnean dauden espezia usaintsuen pisuak. Hartu arnasa sakon eta sentitu usaina airean.

Neto-k “Ertz gozoa” (Borda doce) izena jarri dio atal honi. Baliteke gure eta gure inguruaren arteko mugaz aritzea eta artistak muga hori ezabatu egin nahi du lan honen bidez. Funtsezkoa iruditzen zaio gure gorputzen eta naturaren arteko konexioa sortzea. Artistaren hitzetan: “Natura gara. Denok gara natura. (...) Natura gugandik bereizi egiten dugu beti, kanpoan kokatzen dugu... baina natura ez dago hirugarren pertsonan, natura lehen pertsonan dago. Barnean dago”.

Areto honetako elementuen antolaerak Brasil iparraldean bizi den huni kuin herri txamanikoari ere egiten dio erreferentzia. Huni kuin herriak arbasoen ezagutzak baliatzen dituzte naturarekin zuzenean konektatzeko errituak egiteko.