Ernesto Neto. Naraman gorputza
Ez erreparatu nahas-mahasari (Não repara, não)
Gozokiak salgai (Baleiro Bala)
Iruzkinak
Trukean-trukean (Troca Troca)
- Izenburua:
- Trukean-trukean (Troca Troca)
- Erakusketa:
- Ernesto Neto. Naraman gorputza
- Gaiak:
- Gizakia | Giza harremanak | Artea eta ekonomia | Artea eta gizartea | Artea eta pertzepzioa | Artea eta emozioa | Sorkuntza artistikoa | Materiala
- Artelan motak:
- Instalazioa
- Aipatutako artistak:
- Neto, Ernesto
Aukera asko izan dituzu Ernesto Neto-ren obrarekin interakzioan aritzeko, zure gorputzaren, zentzumenen, irudimenaren eta adimenaren bidez aztertuz. Parte hartzearen eta konexio intimo horren ideia oso garrantzitsua da Netorentzat eta haren obra osoak gordetzen du zentzu hori.
Areto honetan, konexioaren ideiatik abiatu eta ideia hori are urrunago eramaten du Netok. Beirazko alez betetako paperezko hainbat poltsa daude obraren nukleoan, eguneroko bizitzako objektuen inguruan. Erakusketaren lehen egunetik, bisitariak aukera du bisitaldira ekarritako objektu batzuk objektu hauetakoren batekin trukatzeko.
Erakusketak aurrera egin ahala, objektuak etengabe aldatuko dira, publikoaren partaidetzari esker. Objektuak hiri osoan zehar sakabanatuko dira edo agian, mundu osora iritsiko dira eta txoko guztietatik etorritakoak izango dira. Hartara, zu zeu bisitaria zaren aldetik, obraren sortzaileetako bat bihurtuko zara.
Instalazio hau sortzeko, sistema ekonomikoak jartzen dituen mugei erantzuteko mundu osoan sortu diren truke-sareen goraldia hartu zuen Netok oinarri. Trukeak egitean, justiziari, zuzentasunari eta oinarrizko giza balioei garrantzi handiagoa ematen diegu. Eta arreta handiagoa eskaintzen diegu gure beharrei, besteenei eta denok partekatzen dugun planetaren beharrei.