Georges Braque
Natura hilak, barrualdeak eta figurak (1932–1939)
Lantegiak eta Txoriak (1949–1964)
Atalak
Varengeville, Vanitas-ak, Barrualdeak eta Billarrak (1941–1949)
- Izenburua:
- Varengeville, Vanitas-ak, Barrualdeak eta Billarrak (1941–1949)
- Erakusketa:
- Georges Braque
- Gaiak:
- Giza gorputza | Artea eta erlijioa | Artea eta gizartea | Artea eta emozioa | Sorkuntza artistikoa | Geometria | Sinbologia | Tamaina | Sinbolismo erijiosoa | Bigarren Mundu Gerra | Nazismoa | Frantzia | Bakardadea
- Mugimendu artistikoak:
- Kubismoa
- Teknikak:
- Olio-pintura
- Artelan motak:
- Pintura
- Aipatutako artistak:
- Braque, Georges
Bigarren Mundu Gerra lehertu zenean, Varengeville-sur-Mer-en hartu zuen babes Braque-k. Hain zuzen ere, artisten topaleku garrantzitsu izan zen 1930eko hamarkadan eta Paul Nelson arkitekto estatubatuarrak eraikitako estudioa zuen bertan Braquek. Geroago, nazien Okupazioaren eta Vichy-ko Gobernuaren garaian, Limousin-en bizi izan zen denbora batez eta Toulouse inguruan gero; azkenik, Parisko tailerrean egon zen Okupazioa amaitu artean eta tarteka Varengevillera joan-etorriak egiten zituen. “Inguruan gertatzen zenarekiko oso sentikorra” zela aitortu zuen, eta, horrenbestez, artelan ilun eta minez beteak egin zituen garai hartan. Gurutze eta errosarioak alboan zeramatzaten garezurrak edo kristau ikonografiaren arrain tipikoak ziren gerraren zorigaitzaren aurrean egindako irudiak. Jean Paulhan idazlearen aburuz —1945ean “Braque, patroia” ezizena jarri zion—, margolariak oparitutako Bi barbarin (Les Deux Rougets, 1940–1941) obra “muturreko indarkeriaren eta lasaitasunaren nahasketa” da. Egonezin giro isil hau barrualdeetan eta lantegietan ez ezik, 1942an egindako bi margolan bitxietan ere sumatzen da: Gizona gitarrarekin (Homme à la guitare) eta Gizona astoaren aurrean (Homme au chevalet). Gizakien figura beltz eta fantasmagorikoen siluetek, atzetik begiratuta, artistak bere tailerrean astoaren aurrean dela sentitzen duen bakardadea eta malenkonia islatzen dituzte.
Gerraren ostean, billarren inguruko sailari esker, gogo handiz berreskuratu zituen Braquek ikus-eremu kubista eta eskala desberdinetan (homotezia) adierazitako eraldaketa geometrikoen jokoak.