Georges Braque
Eskulturak
Atalak
Balletak
- Izenburua:
- Balletak
- Erakusketa:
- Georges Braque
- Gaiak:
- Mitologia | Pertsonaia mitologikoak | Artea eta musika | Dekorazio-arteak | Antzerkia | Dantza | Emozioa
- Mugimendu artistikoak:
- Arte Abstraktua
- Artelan motak:
- Kokapen zehatzerako artea
- Aipatutako artistak:
- Braque, Georges
Georges Braque-ren obran egindako ibilbide kronologiko honetan bereziki azpimarratzekoa da Braquek Ballet Errusiarrekin, Sergei Diagilev-ekin eta Léonide Massine-rekin izandako harremana; horiekin batera lan egin zuten garaiko beste zenbait artistek ere. Braquek lau obratan lan egin zuen haiekin: Les Fâcheux (1924), Salade (1924), Zéphire et Flore (1925) eta Les Sylphides (1926). Obra horietako hiru eszenaratu zituzten Ballet Errusiarrek. Bestalde, Léonide Massinek Salade lanaren koreografia egin zuen, bai eta La Cigale antzokian Étienne de Beaumont kondeak antolatutako ongintzako ikuskizunean aurkeztu ere. Salade obran, jantziak eta eszenografia diseinatu zituen Braquek, eta horien artean, Zéphire et Flore obraren jatorrizko zenbait jantzirekin batera. Berriki zaharberritutako oihal hau lehen aldiz ikusgai jarri zen 1924an; orduan, Massinek Rosetta-ren maitasuna bereganatzeko borroka egiten zuen Politxinela maiteminduarena egin zuen. Braquek maisuki lan egin zuen La Cigale antzokiaren sakontasunik gabeko agertokian. Arkuen bitartez banandu zuen agertokia, eta, horrela, zenbait eszena aldi berean egin zitezkeen. Bestalde, kolore iluneko oihala egin zuen, ikusleak Napoliko langile-auzo batean murgilarazteko asmoz.