Jenny Holzer. Zera deskribaezina
Jenny Holzer: inspirazioak (202 aretoa)
Paul Thek, Meat Cable [Haragi-kablea], 1966
Iruzkinak
Louise Bourgeois, Nature Study [Estudioa bizitik], 1984
- Izenburua:
- Louise Bourgeois, Nature Study [Estudioa bizitik], 1984
- Erakusketa:
- Jenny Holzer. Zera deskribaezina
- Gaiak:
- Artea eta identitatea | Artea eta emozioa | Eragin artistikoa | Sorkuntza artistikoa | Forma | Kolorea | Materiala | Dualtasuna
- Artelan motak:
- Eskultura
- Aipatutako artistak:
- Bourgeois, Louise | Holzer, Jenny
Louise Bourgeois artista frantziar-iparramerikarra 1911n jaio eta 2010ean hil zen. Gorputza eta sexualitatea, giza harremanak, egoera emozionalak eta inkontzientea aztertzen zuten eskultura eta instalazioek egin zuten ezagun, batez ere.
Izenburu bera duten artelanen multzo baten parte da eskultura hau: Estudioa bizitik. Bourgeoisek 1984an sortu zuen lan enigmatiko hau lehenengoz; bertsio hau, berriz, 2001ean egin zuen, goma arrosa erabiliz. Figura piztia eta gizatiarra da aldi berean, emea bezain arra, groteskoa eta ederra. Eseritako animalia baten moduan uzkurtuta dago bururik eta besorik gabeko forma hau, eta piztia baten ipurmasailak ditu. Haren bularraldetik hiru bular- edo titi-pare ateratzen zaizkio, eta elikatze- edo babes-indarra ematen diote izakiaren hankartetik altxatzen den faloari.
Estudioa bizitik lanak identitatearen anbiguotasuna aztertzen du, aldi berean gorpuzten baititu izatearen hainbat egoera. Bourgeoisek gorputza antzaldatuta eta zaurgarri aurkezten du, beharbada psikikoki eta emozionalki harrapatuta, izatearen eta kontzientziaren egoera desberdinen artean.
Holzer luzaroan erakarri du Bourgeoisen lanak. Bi artistek partekatzen dute gaiak gainjartzeko kezka, eta arteak duen boterearekiko konpromisoa, formaren bitartez bestela ezin esan daitekeenera heltzekoa.
Guggenheim Bilbao Museoaren Bildumak ere Louise Bourgeoisen obra bat du: Ama. Armiarma erraldoi baten forma du, eta eraikinaren kanpoaldean dago modu iraunkorrean.