Urrezko Aroa: Städel Museum-en Holandako eta Flandeseko pintura
Rembrandt Harmensz van Rijn, David harpa jotzen Saulen aurrean, ca. 1630/31
Rembrandt Harmensz van Rijn, Maertgen van Bilderbeecq-en erretratua, 1633
Iruzkinak
Jan Victors, Booz-ek Elimelek-en oinordekoa jasotzen du, ca. 1651–53
- Izenburua:
- Jan Victors, Booz-ek Elimelek-en oinordekoa jasotzen du, ca. 1651–53
- Erakusketa:
- Urrezko Aroa: Städel Museum-en Holandako eta Flandeseko pintura
- Gaiak:
- Artea eta erlijioa | Artea eta emozioa | Sorkuntza artistikoa | Sinbologia | Erlijio-margoa | Herbeheretako Urrezko Aroa | Itun Zaharra
- Mugimendu artistikoak:
- Barrokoa
- Artelan motak:
- Pintura
- Aipatutako artistak:
- Victors, Jan
Israelgo antzinako ohitura batean oinarritutako lege-egintza baten lekuko gara: gizon batek hautatutako oinordekoari oinordetza-eskubidea emateko nahia adierazten du haren zapata eskura emanez. Eszena Itun Zaharreko Ruth-en liburuko laugarren ataletik aterata dago. Jan Victors-ek konplizitate-keinuen eta begirada adierazgarrien bidez kontatzen du istorioa.
Aurrealdean, toga urdin-hori bat jantzita duela, gizon bat dago eserita. Horri eman diote zendutako Elimelek-en ondasunak, baita bere emazte moabita Ruth ere, oinordetzan hartzeko eskubidea. Gizonak, ordea, aurrean duen Booz-i bere zapata emanez, oinordekoari uko egiten dio. Booz Ruth ari da atzamarraz erakusten eta emakumea, berriz, itxaroten dago, eskuak gurutzatuta eta begi apalez gizonen negoziazioen emaitzaren zain. Haren oinetan dagoen txakurra leialtasunaren sinbolo tradizionala da.
Boozek oinordekoa onartuko du, Ruth ere barnean dela. Hitzarmen horrek garrantzi handia izango du David-en etxekoentzat. David Erregea Boozen eta Ruthen biloba da. Ezkerraldean begira dituzten pertsonak Ruthen amaginarreba Naomi eta bere seme Obed dira. Hondoan, berriz, Bethlem herrirako sarrera ikus daiteke. Bost gizon dira hitzarmenaren lekuko.
Koadro honekin batera, Jan Victorsek beste bertsio bat margotu zuen, orain Kopenhageko Statens Museum for Kunst-en dagoena. Bigarren lan horretan Boozek eta Ruthek segalarien janaria eta aterpea onartzen dute. Bi koadroek formatu berdina dute, antzeko kolore eta konposizioekin, eta bikote moduan sortu zituen beharbada.