Urrezko Aroa: Städel Museum-en Holandako eta Flandeseko pintura
Jan Victors, Booz-ek Elimelek-en oinordekoa jasotzen du, ca. 1651–53
Frans Hals, Gizon baten erretratua, 1638, eta Emakume baten erretratua, 1638
Iruzkinak
Rembrandt Harmensz van Rijn, Maertgen van Bilderbeecq-en erretratua, 1633
- Izenburua:
- Rembrandt Harmensz van Rijn, Maertgen van Bilderbeecq-en erretratua, 1633
- Erakusketa:
- Urrezko Aroa: Städel Museum-en Holandako eta Flandeseko pintura
- Gaiak:
- Artea eta gizartea | Sorkuntza artistikoa | Forma | Kolorea | Bitxiak | Jantziak | Erretratua eta autorretratua | Erretratu bikoitzak | Herbeheretako Urrezko Aroa | Amsterdam | Maertgen van Bilderbeecq | Klase sozialak
- Mugimendu artistikoak:
- Barrokoa
- Artelan motak:
- Pintura
- Aipatutako artistak:
- van Rijn, Rembrandt
Historia-pinturekin batera, Rembrandt-ek erretratuak ere egin zituen aginduz. Formatu obala oso gogoko zuten 1630eko hamarkadako Amsterdamen; antza denez, forma hori garai hartako ezaugarri borobildu eta tamaina handiko lepoaldeekin ondo zetorren.
1633ko gorpuzkera erdiko erretratu honetan, emakume lodi bat agertzen da hondo berde-arre baten aurrean. Atzealdeko idazkunak emakumea Maertgen van Bilderbeecq dela adierazten du (Leideneko ale-merkatari baten emaztea).
Apur bat eskuinalderantz dago irudikatua. Daraman soineko beltzak urrezko botoiak eta dotore atondutako lepoko zabal bat ditu. Bi iladako lepokoaren pintzelkada dinamikoak Rembrandten trebetasunen erakusgarri ditugu.
Irudi obala sortzeko kolore finkoak eta murriztuak erabiltzeak pertsonaiaren izaera adierazteko balio izan zion, eta hala arreta masailen irudikapenera doa. Aurpegi mamitsuak emakumearen estatusa aditzera ematen du, eta hori, gorri eta urdin lausoek distiratsu eta ondo osatuta erakusten dute azala.
Kopeta zabala, begi handi eta zoliak, okotz bikoitza eta sudurraren zein masailen gorritasuna baliatuz, Rembrandtek aiurri berezia eman zion bere pertsonaiaren aurpegierari.
Irudiaren tipologiak eta hori bera apur bat alboratuta egoteak aditzera ematen du erretratu hau bata bestearen ondoan zintzilikatzeko pare batekoa izan litekeela. Pareko beste lana senarra izango zitekeen. Hala ere, ez da ezagutzen Rembrandtek senarraren erretraturik egin ote zuen.