Urrezko Aroa: Städel Museum-en Holandako eta Flandeseko pintura
Gerard ter Borch, Andrea kopa bat ardorekin, ca. 1656/57
Jan van Goyen, Bidea dunen artean, 1629
Iruzkinak
Pieter Janssens Elinga, Barnealdea margolariarekin, irakurtzen ari den dama batekin eta garbitzen ari den neskame batekin, ca. 1665–70
- Izenburua:
- Pieter Janssens Elinga, Barnealdea margolariarekin, irakurtzen ari den dama batekin eta garbitzen ari den neskame batekin, ca. 1665–70
- Erakusketa:
- Urrezko Aroa: Städel Museum-en Holandako eta Flandeseko pintura
- Gaiak:
- Artea eta gizartea | Artea eta pertzepzioa | Sorkuntza artistikoa | Argia | Perspektiba | Genero-margoa | Herbeheretako Urrezko Aroa | Städel Museum | Pieter de Hooch | Klase sozialak | Optika
- Mugimendu artistikoak:
- Barrokoa
- Artelan motak:
- Pintura
- Aipatutako artistak:
- Elinga, Pieter Janssens
Barnealdeko eszena honek elkarren aldamenean dauden bi gelaren ikuspegia eskaintzen digu. Aurrealdean dugun gela osorik ikus dezakegu; aldiz, bigarren gelaren zati txiki bat soilik ikus daiteke ate irekitik. Marmolezko zoru-lauzen marrazki geometrikoak bi gelak lotzen ditu. Argia berunezko xaflak dituzten leihoetatik sartzen da, argi-printzak zoruan eta hormetan islatuz. Garaiko hainbat koadrok apaintzen dituzte hormak. Altzariak gutxi dira. Urre-koloreko markoa daukan ispilu bat leihoen artean dago zintzilikatua, eta zoruaren marrazkia islatzen du.
Perspektibak arreta handiz osatu zituen Elingak. Argiak barnealdeetan eta bertako objektuetan sortzen zituen efektuetan zuen interesa. Argiaren irudikapen zehatz hori fenomeno optikoei buruzko kezka bizi eta esperimentalaren ondorio zen.
Margolaneko hiru pertsonak haien gizarte-estatusaren alderantzizko ordenan agertzen dira. Aurrealdean, neskame bat dugu zorua garbitzen. Mahaian, berriz, bizkarra emanez, etxeko andrea eskutitz bat irakurtzen ari da. Atzealdeko gelan dotore jantzitako gizon bat dago zutik. Kolore-paleta bat du eskuineko eskuan; horren arabera, artistaren eta haren emaztearen etxeko erretratua da hau.
Elinga etxeko eszenen eta natura hilen margolari gailentzat jotzen zuten. Gutxi dakigu hari buruz eta; 1682an hil ondoren, oso ahaztu zuten eta bere artelanak beste artista batzuek egin zituztela uste zen. Städel Museumek 1878an erosi zuen koadro hau Pieter de Hooch-ena zelakoan. Hala ere, Hoochen sinadura faltsutua izan zen eta neskamearen irudiaren gainean galgo bat margotu zuten. Artapen arloko langileen azterketek aldaketa horiek argitu zituzten eta, azkenean, artelan honen benetako egilea ezagutu zen.