Urrezko Aroa: Städel Museum-en Holandako eta Flandeseko pintura
Jacob Isaacksz van Ruisdael, Ur-jauzidun baso-paisaia ekaitza hastear dagoela, ca. 1655
Jan Brueghel Zaharraren lantegia, Lore-sorta beirazko murko batean, ca. 1610–25
Iruzkinak
Job Berckheyde, Amsterdameko burtsa, ca. 1675–80
- Izenburua:
- Job Berckheyde, Amsterdameko burtsa, ca. 1675–80
- Erakusketa:
- Urrezko Aroa: Städel Museum-en Holandako eta Flandeseko pintura
- Gaiak:
- Arkitektura | Artea eta gizartea | Sorkuntza artistikoa | Hiri-eszenak | Herbeheretako Urrezko Aroa | Merkataritza | Amsterdam
- Mugimendu artistikoak:
- Barrokoa
- Artelan motak:
- Pintura
- Aipatutako artistak:
- Berckheyde, Job
Margolan honetan Amsterdameko burtsaren iparraldeko sarrera ikus dezakegu.
Sekulako atari bikoitza merkataritza-metropoliaren armarriak koroatzen du. Arkupeek barnealdeko patio ireki batera ematen dute. Sarrerako atea zeharkatuz, burtsaren zati zen jantzien aretora sar daiteke. Mundu osoko merkatariek betetzen dute barruko patioa. Ekialdeko gizonak ere badira tartean: haien janzkera eta turbanteak erraz antzeman ditzakegu. Merkatari poloniarrak, errusiarrak, ungariarrak, italiarrak, espainiarrak eta frantsesak ere bide zeuden.
Barnealdeko patioa neguko arratsaldeko eguzkiak argitzen du zati batean. Aurrealdean, gerizpean, makila bat heltzen duen gizon bat dago. Merkatarien artean ordena mantentzen zuen pertsona izango da ziur aski. Neska bat laranjak saltzen dabil, eta mutil batek egunkariak eskaintzen ditu. Horman, albo batean, hainbat koadro dago ilara batean zintzilik, salgai.
Artista, Job Berckheyde, hiri-giro margotzen aditua zen. Amsterdameko burtsa hainbat aldiz pintatu zuen. 1608 eta 1611 urteen artean burututako eraikina hiriko ospetsuenetakoa zen. Hala ere, haren baldintza txarrak zirela-eta, XIX. mendean eraitsi zuten.
Irudien janzkerari erreparatuz, eszena hau 1670eko hamarkadaren bigarren erdialdean egin zuela dakigu. Berckhyderen koadroak garai hartan Amsterdamek munduko merkataritza-giroan zeukan posizio nagusia atzeman eta goratzen du.