Urrezko Aroa: Städel Museum-en Holandako eta Flandeseko pintura
Jacob van Es, Natura hila sukaldeko mahai baten gainean dauden arrainekin, ca. 1635–40
Jan Vermeer van Delft, Geografoa, 1669
Iruzkinak
Peter Willebeeck, Vanitas, ca. 1650
- Izenburua:
- Peter Willebeeck, Vanitas, ca. 1650
- Erakusketa:
- Urrezko Aroa: Städel Museum-en Holandako eta Flandeseko pintura
- Gaiak:
- Heriotza | Artea eta denbora | Sorkuntza artistikoa | Argia | Sinbologia | Vanitas | Herbeheretako Urrezko Aroa | Holanda
- Mugimendu artistikoak:
- Barrokoa
- Artelan motak:
- Pintura
- Aipatutako artistak:
- Willebeeck, Peter
Hainbat objektu mahai baten gainean daude artez antolatuak. Mahai-gaina ez da ia bereizten. Mahai-ertzetik behera zetazko oihal bat dago zintzilik eta oihalak argia islatzen du eztainuzko pitxarrean zein plateretan eta zilarrezko koparen barruan. Zeharkako argiak edateko ontzi hauskorren siluetak irudikatzen ditu.
Garezur bat koparen oinaren atzetik ikusten da. Aldamenean, beirazko ontzi esferiko batek otsalaba bat dauka. Fruta gorrien kirtenak eta marrubiak mahaitik erortzear daudela dirudite. Bi urrek, limoi-erdi batek, muskuilu batek eta itsas-kuskuilu batek eszena osatzen dute. Hormako txokoan koaderno bat zabalik, harea ordulari bat, zapi bat eta musika-tresna bat daude. Objektu horiek mundu honetako existentzia iragankorra ematen dute aditzera, botere eta harrotasun lurtiarraren hutsaltasuna. Mahai gainean dagoen pistola eta garezurra heriotzaren adierazpidea dira zalantzarik gabe.
XVII. mendean, Holandako vanitas pinturek berezko ezaugarriak zituen. ‘Vanitas’ hitza latinetik dator eta ‘hutsa’ adierazten du, bizitzaren iragankortasuna gogora ekarriz. Koadroak beste esanahi bat ere izan dezake: garezurraren, otsalabaren eta pistolaren artean dagoen kopa alboratuak abortuari edo hildako haur baten jaiotzari egin diezaioke erreferentzia. Testuinguru horretan, urrak Kristoren oinazearen eta pizkundearen adierazgarri ere izan daitezke.