Urrezko Aroa: Städel Museum-en Holandako eta Flandeseko pintura
Johannes Lingelbach, Azoka-eszena Erromako Piazza Navonan, ca. 1657/58
Job Berckheyde, Amsterdameko burtsa, ca. 1675–80
Iruzkinak
Jacob Isaacksz van Ruisdael, Ur-jauzidun baso-paisaia ekaitza hastear dagoela, ca. 1655
- Izenburua:
- Jacob Isaacksz van Ruisdael, Ur-jauzidun baso-paisaia ekaitza hastear dagoela, ca. 1655
- Erakusketa:
- Urrezko Aroa: Städel Museum-en Holandako eta Flandeseko pintura
- Gaiak:
- Artea eta emozioa | Eragin artistikoa | Sorkuntza artistikoa | Lan-prozesua | Paisaia | Herbeheretako Urrezko Aroa | Natura | Alemania | Holanda
- Mugimendu artistikoak:
- Barrokoa
- Artelan motak:
- Pintura
- Aipatutako artistak:
- van Ruisdael, Jacob
Jacob van Ruisdael XVII. mendeko sormen eta eragin handieneko paisaia-pintorea izan zen. Aitak eta osabak irakatsi bide zioten margotzen.
Koadro honetan, Ruisdaelek hastear dagoen ekaitzaren bortizkeria adierazten du baso jori batean. Aurrealdean, erdian, erreka bizia harri batzuen gainetik harrotzen da eta margolanetik at galtzen. Amildutako zuhaitz baten adar bihurriak ur harroan luzatzen dira esku baten atzamarrak balira bezala. Zuhaitzaren motzondoa naturaren kemenaren oroigarria da. Haritz dotore bat hodei mehatxagarrietarantz altxatzen da, eta eszena kokatzen du, gure begia koadro erdialdera erakarriz. Hortxe, berriz, lastozko teilatua duen basetxe bat dago lur-sail txiki batean.
Haritzaren bestaldeko ertzean zuhaitz txikiagoak daude. Horien gerizpean eraikin txiki bat ikus daiteke, biltegi bat segur aski. Bi irudi txiki eta hutsal harrotzen ari den ekaitzerako aterpe bila dabiltza. Eroritako zuhaitz-adarrak, hondatutako etxeak eta haritz zaharrak ikuslearengan eguraldi txarraren sentsazioa areagotzen laguntzen dute.
Ruisdaelek bere jaioterri Holandako edo ondoko Alemaniako paisaien zirriborroak baliatuz egin bide zuen koadro hau. Hala, paisaia guztiz berria eta paregabea sortu zuen. Koadro honek eragin handia izan zuen XIX. mendeko paisaia-pintoreen artean.